മോമോ ചാലഞ്ച് അഥവാ ക്വിറ്റ് ഇന്‍റർ‍നെറ്റ്
നിതിൻ നാങ്ങോത്ത്
മലയാളിമക്കളെ ജീവിക്കാൻ വിടൂലാ എന്നുതന്നെയാണ്. പുള്ളേരെ ആത്മഹത്യാമുനന്പിൽ കേറ്റി നിർ‍ത്തുന്ന പുതിയ ഗെയിമുണ്ടല്ലോ.ജോറാണ്. ബഹുത്ത് ജോർ. നീലത്തിമിംഗലത്തിന്‍റെ വാൽ‍കിക്കേറ്റ് കുറേയെണ്ണം ഭ്രാന്തിനും സമചിത്തതയ്ക്കും ഇടയിൽ മന്ദിപ്പന്‍മാരായി പിഴയ്ക്കുന്നുണ്ട് പോലും. ഗെയിം പ്ലാനും അനുബന്ധവാർ‍ത്തകളും വിശ്വസിച്ചാലും ഇല്ലെങ്കിലും, നമ്മുടെ കുട്ടികൾ ഡെയിഞ്ചർ സോണിലാണ്. ആഗസ്റ്റ് വിപ്ലവത്തിൽ മുഷ്ടിചുരുട്ടി ആകാശത്തിന്‍റെ പളളയ്ക്കിട്ടു കൊടുക്കാം. ക്വിറ്റ് ഇന്‍റർ‍നെറ്റ്!!
മിഡോരി ഹയാഷിക്ക് നല്ല നമസ്ക്കാരം. കുട്ടികളെ കെണിപ്പെടുത്താൻ നിങ്ങളുടെ ക്രിയേറ്റിവിറ്റി തന്നെ മുഖചിത്രപ്പെടുന്നു. അന്തവും കുന്തവുമില്ലാത്ത പിള്ളേർ ഏതുകാട്ടുമാക്കാൻ ജൽപ്പിക്കുന്നതും കേട്ട് ഒരുന്പെട്ടിറങ്ങുന്നു. തലയ്ക്കകം ഫാന്‍റസിപ്പാർ‍ക്ക് നടത്തുന്ന ന്യൂജൻ വെയ്സ്റ്റുകൾ. തന്തയോ തളളയോ വെറുക്കപ്പെട്ടവരുടെ പാനലിലാണ്. നഗരത്തിലെ അപരിചിത സ്ത്രീയുടെ മുന്നിൽ ‘പച്ച’കുത്താൻ മസിലുംവീർ‍പ്പിച്ച് കുത്തിരിക്കുകയാണവർ. വേൾ‍ഡ് കപ്പ് കഴിഞ്ഞതിൽ പിന്നെ ശരീരമാസകലം പച്ചകുത്തുമേളയാണ്. കുത്തിക്കുത്തി പൃഷ്ഠപ്രദേശം വരെ ഓപ്പൺ‍ഡോർ പോളിസിയിൽ പുഞ്ചിരിക്കുന്നു.ചാറ്റിംഗും സെക്സ്റ്റിംഗും ഫാമിംഗും ബുളളിയിംഗും തകൃതിയായി വേറെ!! ഒരു എരണംകെട്ട തലമുറയാണ് ഒരു സൈഡിലൂടെ വളർ‍ന്നുവരുന്നത്. നെറ്റിസൺ ഭ്രാന്തിന്‍റെ ബ്രാന്‍റ് അംബാസിഡർ‍മാർ!! പിടി വീണില്ലേൽ കൊച്ചുങ്ങൾ സംസ്ക്കാരത്തിന് മുകളിൽ പിണ്ധം വെയ്ക്കും. ക്യൂർ തിയറിയുടെ ഗിനിപ്പന്നികളായി ഒരു തലമുറ കടലെടുത്തുപോവത്തേയുളളൂ. ലൈംഗിക അരാജകകുണ്ടാമണ്ടികൾ ഭാവിജീവിതം നരകതുല്യമാക്കും. നൈമിഷികാനന്ദത്തിന്‍റെ ചിറകിൽ ‘സൈക്കിൾ’ സവാരിനടത്തുന്ന പുത്തൻ കൂട്ടുകാർ തിരിച്ചറിവിന്‍റെ വേളകളിൽ ഒന്നു കുന്പസാരപ്പെടാൻ പോലുമാവാതെ മാഡിസത്തിന്‍റെ സ്യൂയിസൈഡ് ഏജന്‍റുമാരാവും. ആരോഗ്യവും ബുദ്ധിയും വിവേകവും ആപ്പിനു പണയംവെക്കുന്ന കൊസ്രാക്കൊളളികളേ, ജീവിതം ഒരിക്കലേയുളളൂ. ബ്ലൂവെയിലും മോമോ കുളിരും പലനാമങ്ങളിലിങ്ങനെ നിങ്ങടെ ശവമടപ്പ് നടത്തും.
എന്താണ് ഹോബിയെന്ന ചോദ്യത്തിന് ‘നേക്കഡ് സെൽ‍ഫി’ അയയ്ക്കലാണെന്ന് പറഞ്ഞ് നെഞ്ചും വിരിച്ച് പുഞ്ചിരിച്ച പെങ്കുട്ടിയെ ഓർ‍ത്ത് ബേജാർ‍തന്തയാവുന്നു. കന്പിടോക്കും കേട്ട് അന്തിയുറങ്ങുന്ന ചന്ത സംസ്ക്കാരം നമ്മടെ പടിവാതിലിലെത്തി. ഇക്കൂട്ടരുടെ തലയ്ക്കകം കക്കൂസ് പോലെയായി. പോണോ സൈറ്റിൽ കണ്ണു കഴയ്ക്കുന്ന പെങ്കുഞ്ഞുങ്ങളടക്കമുളളവരുടെ ഹൃദയധമനികളിലൂടെ ഓടജല പ്രവാഹമാണ്. അകത്തേയ്ക്ക് കൊടുത്തതേ പുറത്തേക്കെടുക്കാൻ പറ്റൂ. കുറ്റബോധത്തിന്‍റെ കുരിശുമല ചുമക്കുന്ന അപകർ‍ഷതയുടെ പാനപാത്രം പേറുന്ന നമ്മുടെയീ ‘വൈബ്രന്‍റ് തലമുറ’ ബന്ധങ്ങളിലെ പാരസ്പര്യങ്ങൾ‍ക്കിടയിൽ കുഴിബോംബു നാട്ടും. കേരളം ഒരു പൊട്ടിത്തെറിയുടെ വക്കിലാണ്. ഓരോ മിനിറ്റിലും ആത്മഹത്യാലോചനകൾ, വിവാഹമോചനങ്ങൾ, ഒത്തുതീർ‍പ്പ്, മധ്യസ്ഥമേള, കൗൺ‍സിലിംഗ്, ഭീഷണി, വിഷാദരോഗം, ആൾ ഡളളായിപ്പോവുക... അങ്ങനെയങ്ങനെയങ്ങനെ.. ചെറുപ്പത്തിലേ പിടി കൂടിയില്ലേൽ അഞ്ചുവയസ്സിനും മുപ്പത്തഞ്ച് വയസ്സിനുമിടയിൽ ഇനിയങ്ങോട്ട് ‘ഹ്യൂമൻ ബീയിങ്സ്’ ഒണ്ടാവത്തില്ല. പ്രജ്ഞ മരവിച്ച അച്ചടക്കവും ഉളളടക്കവുമില്ലാത്ത ഒരു കൊലവെറി തലമുറയാവും അത്. ചില വിദേശരാജ്യങ്ങളിൽ ഈ ‘വസന്തം’ റിപ്പോർ‍ട്ട് ചെയ്യപ്പെട്ടിട്ടുണ്ട്. മയക്കുമരുന്നിനും ഭോഗസംസ്ക്കാരത്തിനും അടിപ്പെട്ട ഒരു ജനതയെ പിന്നെന്തിന് കൊളളാം? പച്ചക്കാമം എൻ‍ജോയ് ചെയ്യുന്ന കൗമാരക്കാരന്‍റെ ഹെഡ്സെറ്റ് മുഴുവൻ സമയവും വൈഫൈയിലാണ്. അഡിക്ഷനാണ് ചിന്തകളിൽ തീ കോരിയിടുന്നത്. കാരണമത് പണ്ടേ നാട്ടുനടപ്പായിരുന്നു. ഒരുകാലത്ത് നടപ്പുദീനം ബാധിച്ചെങ്കിലും ഇന്‍റർ‍നെറ്റിന്‍റെ വ്യാപനത്തോടെ സടകുടഞ്ഞെഴുന്നേറ്റു. എട്ടാം ക്ലാസുകാരിയുടെ മൊബൈലിൽ നിന്ന് എൺ‍പതോളം എച്ച് ഡി ക്ലിപ്പിംഗ്സുകളാണ് പോലും ഒരു ടീച്ചർ റെയ്ഡ് നടത്തി പിടിച്ചെടുത്തത്. മോന്‍റെ മറ്റേപ്പടം കാണുന്ന ശീലം ഒഴിവാക്കിത്തരണമേയെന്ന അപേക്ഷയുമായി നിരവധി അമ്മമാർ കൗൺ‍സിലിംഗ് സെന്‍റർ കയറിയിറങ്ങുന്നുണ്ട്. സ്വന്തം വീട്ടിലെ കുളിമുറിയിൽ ക്യാമറാഫോൺ‍വെച്ച് ‘ഷോട്ട് ഫിലിമ്മെ’ടുക്കുന്ന ഛായാഗ്രാഹകന്‍മാരെപ്പറ്റി എന്തു പറയാൻ!!
അത്രമേൽ തികട്ടിയതുകൊണ്ടാണ് പറയുന്നത്. ഈയടുത്ത് തുടങ്ങിയ പ്രവണത, തീവണ്ടിയിലും തിരക്കുളള ബസ്സുകളിലും ആളുകൾ നിർ‍ലജ്ജം പോൺ‍വീഡിയോ കാണുന്നു. ഫുൾ വോള്യത്തിൽ. ചുറ്റുവട്ടം അവർ‍ക്കൊരു പ്രശ്നമല്ല. കുട്ടികൾ, അമ്മമാർ, അദ്ധ്യാപകർ...പ്രാന്തപ്രദേശത്ത് ആരായാലും നെവർ‍മൈന്‍റ്! അവർ ആനന്ദത്തിന്‍റെ പരകോടിയിലാണ്. പുതിയൊരു കൾ‍ച്ചറിന്‍റെ ‘ടെന്‍റ്’ ആണിവിടെ പൊങ്ങിവരുന്നത്. ഇതൊരു ട്രെന്‍റാവാൻ അധികം കാലം വേണ്ട. പരസ്യമദ്യപാനം പോലെ, പരസ്യ കുത്തുപടം കാണൽ‍പോലെ പരസ്യബലാൽ‍സംഗവും ഒരാചാരമാവാം. ചോയിക്കാനും പറയാനും ആരുമില്ല. ചാരിത്ര്യവും സ്വന്തം തടിയും വീട്ടുകാരുടെ തടിയും അവനോൻ തന്നെ നോക്കണം. വെറുതെ ഡിസ്ക്കെടുക്കാൻ ടയിമില്ല.ആയതിനാൽ ‘നീലനിശീഥിനി’കളെ ഒളിച്ചുകടത്തുന്ന ഈ ഏർ‍പ്പാടിൽ‍നിന്നും ‘ക്വിറ്റിന്ത്യ’!! കണ്ണിന് ക്യാൻ‍സർ വന്ന് കുട്ടികളെ ആർ.എ.സിയിലേയ്ക്ക് അയയ്ക്കാതിരിക്കാൻ സ്മാർ‍ട്ട് ഫോൺ ജാഗ്രതൈ. പുതിയ സംഗതിയെ വെറും ‘മാമാ’ വെല്ലുവിളിയായി മാത്രം ഗൗനിക്കുക. കുട്ടികളിൽ നിന്നും ഈ ഇഷ്ടികക്കഷണം തിരിച്ചെടുക്കുക. ഭാവി ശോഭനാജോർ‍ജ്ജാവട്ടെ. ഈ ഓണം സഖാവ് കുപ്പാച്ചിയോടൊപ്പവും കുന്പളം സാരിയോടൊപ്പവും!! കോൺ‍ഗ്രസ്സുകാരെ എന്തിനു കൊളളാം? ഇത്രയുംകാലം ഖാദീബോർ‍ഡിൽ നിരങ്ങിയിട്ട് ഒരു ചാണ്ടിക്കുപ്പായമോ ഇന്ദിരാസാരിയോ രാഹുൽ ബർ‍മുടയോ ആന്‍റണി ത്തോർ‍ത്തോ ഉണ്ടാക്കുവാൻ പറ്റീട്ടില്ല. മോശം...മോശം... എറിയാനറിയുന്നവരുടെ കൈയേൽ വടികിട്ടണം. ഇനി എന്തൊക്കെ ഐറ്റംസ് കാണേണ്ടിവരുമെന്‍റെ കോണകമൂത്തപ്പാ...
