ഉപ്പും മുളകും 'മീന്പാറും'...
ശരശയ്യ - നിതിൻ നാങ്ങോത്ത്
മീനും സാന്പാറും കൂടിച്ചേർ‍ന്ന ഒരു പ്രത്യേകതരം ഡിഷാണ് മീന്പാർ! ഡിഷ്യും ഡിഷ്യും... ബിഗ് ബോസ് അമ്മയ്ക്കുവേണ്ടി ലേലു അല്ലു ലേലു അല്ലു. ഉച്ചയ്ക്ക് ചിക്കൻ ബിരിയാണി ചാന്പിയിട്ട് ബയീറ്റ് കോയിക്കുവേണ്ടി സിന്പോസിയം. കുറുക്കന് പൊന്നാടയും വിശറിയും. ഭാവദശരഥമേ ഒരുപാട് വിയർ‍ക്കേണ്ടി വരും. ഇന്നച്ചന്‍റെ പൊട്ടങ്കളിയൊന്നും ഇനിയും പഠിച്ചില്ലാച്ചാൽ അമ്മക്കസേര നായ്ക്കുരണക്കസേര! പ്രസിഡണ്ട് കിരീടം മുൾ‍ക്കിരീടം. ഒട്ടിനിന്ന് ഭാവാഭിനയിച്ച തരുണീസും തനിക്കൊണം കാട്ടാൻ തുടങ്ങി. പറ്റിനിന്നവരൊക്കെ തെറ്റിയാൽ പണിതരും.
സാരംഗീ മീട്ടലിൽ സാക്ഷാൽ ഉണ്ണിക്കൃഷ്ണന്‍റെയും വെള്ളിപുറത്തായി. ടിയാൻ ഈഗോയുടെ ബ്രാന്‍റ് അംബാസിഡറാണെന്ന് രചനനാരായണൻ കുട്ടിയും മറിമായപ്പെട്ടു കഴിഞ്ഞു. പാവം സംവിധായകൻ. ഈറ്റ്യക്കൊക്കെ ഒരവസരം കൊടുത്തതിന് കിട്ടിയ കൂലി!! കൂട്ടിവെച്ച് ബാങ്കിലിട്ടോളൂ. അവസരത്തിനുവേണ്ടി മീറ്റൂ വാവാറുളള ആർ‍ട്ടിസ്റ്റ് യൂ..റ്റൂ...ബ്രൂട്ടസ് ആവുന്നു.തിങ്കിങ് എബൗട്ട് വുമൺ. പണി പാളി പുരുഷൂസ്. ഇനിയവർ‍ക്ക് രഹസ്യജീവിതമില്ല. സീയിങ് ലൈക്ക് എ ഫെമിനിസ്റ്റ്!! കുലംകുത്തികളുടെയും പരനാറികളുടെയും പിതൃശൂന്യന്‍മാരുടേയും മുടിയേറ്റാണിനി കേരളം കാണാൻ പോവുന്നത്. കാളി കൂളിയാവും. കൂളി കാളിയാവും. ദാനവേന്ദിരന്‍മാർ തലയില്ലാതെ ഒട്ടകപ്പക്ഷീകരിക്കപ്പെടും. വലിയ വെടി ഒന്ന്. ചെറിയ വെടി നാല്. ഓർ‍മ്മയുണ്ടോ സർ ഈ മൊകം??
കേരളസമൂഹത്തിന് ഇനി മുന്നേറണമെങ്കിൽ സ്ത്രീകളുടെ ജനാധിപത്യപരമായ തുല്യത ഉറപ്പാക്കപ്പെടണം. സ്വതന്ത്രമായ ആവിഷ്ക്കാരങ്ങൾ‍ക്ക് സ്പേസ് ഉണ്ടാവണം. പല കാലങ്ങളിൽ, പല ഇടങ്ങളിൽ നടമാടിയ പലവിധം തിന്മകളെ ഫെമിനിച്ചിമാർ തിരിച്ചറിഞ്ഞു തുടങ്ങിയിരിക്കുന്നു.പ്രതിരോധത്തിന്‍റെ ഉറുമീഗീതം കേൾ‍പ്പിക്കാനുളള സിമോം ദ ബൗവ ബൗവയുടെ കനകമല ക്യാംപിലാണവർ. തറവാടിത്തം തകർ‍ത്തെറിയുകയാണ് ആദ്യ അജണ്ട. പഞ്ചുമേനോന്‍മാരുടെ നെഞ്ചകത്തിനി കാളിയമർ‍ദ്ദനം നടക്കും. ഫെമിനിസ്റ്റ് ചില്ലകളിലൂടെ കുറച്ചുകാലം നമ്മൾ‍ക്ക് സംഭവവികാസങ്ങളെ നോക്കിക്കാണാം. പത്മപ്രിയയേയും പാർ‍വ്വതിയെയും രോഷ്നി ദിനകറിനെയും മായാമാളവഗൗളരാഗത്തിൽ നമുക്കാസ്വദിക്കാം. മുലപ്പാൽ ചുരത്തുന്ന പുരുഷന്‍മാരെയാണ് കാലം ആവശ്യപ്പെടുന്നത്. ആണുങ്ങൾ‍ക്ക് ആർ‍ത്തവമുണ്ടായിരുന്നുവെങ്കിൽ അതൊരു മഹാസംഭവമായേനെ... പ്രോക്റ്റർ ആന്‍റ് ഗാന്പിളും ജോൺ‍സൺ ആന്‍റ് ജോൺ‍സണും പൂട്ടി സീലുവെച്ചേനേ. ആദമും ഈഡിപ്പസും മാപ്പാക്കുക. ദേവിയും ഭഗവതിയും പളളിവാളും കാൽ‍ച്ചിലന്പുമായി വെളിച്ചപ്പെട്ടേക്കുക. ‘പെണ്ണൻ’മാരാവാൻ എല്ലാ പുരുഷുകേസരികളും ജാഗ്രതൈ. ശരീരം നമ്മുടെ തടവറയല്ല. അത് ആഘോഷിക്കപ്പെടാനുളളതാണ്. മരണത്തേക്കാൾ ഭയങ്കരമായ വിധിയാണ് റേപ്പ്.’’ ഇസ്സത്ത് ഗയീ കിസ്കീ, ഭട്ടേരീ, ഭട്ടരീ കീ... നമ്മുടെ നാടും നന്നാവുന്നുണ്ട്. നിർ‍ഭയ ആരാച്ചാർ!! ചീഫ്ജസ്റ്റിസ് ദീപക്മിശ്രാ കീ ജയ്. സപ്പോസ് സ്ത്രൈണാസ്തിത്വത്തിന്‍റെ എല്ലാ ഉരുക്കുമുഷ്ടികൾ‍ക്കും ലാലിസം മോഡൽ മീന്പാർ..
മുഖ്യമന്ത്രി അങ്ങ് ഫിലാഡാൽ‍ഫിയയിലാണ്. സാമ്രാജ്യത്വം തുലയട്ടെ. കമ്മ്യൂണിസം വിജയിക്കട്ടെ. മോദി രണ്ടാമൻ എന്ന അപരനാമധേയക്കസേര പിണറായിയിലെ പൂമുഖത്തുണ്ടാവണം. വരുന്ന വഴി ആ തായ്ലാന്‍റിൽ‍കൂടി ഒന്നുവിസിറ്റുചെയ്യണേ. നാവികസേനക്കാരുടെ കൈകുലുക്കി പുറത്തുതട്ടി കേരളഫൈറ്റേഴ്സിന്‍റെ അഭിവാദ്യങ്ങൾ അർ‍പ്പിക്കുക. നാട്ടിലെ തൊരപ്പന്‍മാർ, ഒപ്പിടുന്നത് തൂശനിലയിലാക്കിയ കുറ്റത്തിന് ജയിൽ‍ചപ്പാത്തി കഴിക്കുന്നുണ്ട്. മ്മടെ പോലീസ് സ്ട്രോങ്ങാ..ടിംടിം എന്നല്ലേ അറസ്റ്റും ആക്ഷനും. അഭിമന്യു വധത്തിന്‍റെ മാസ്റ്റർ‍ബുദ്ധികളൊക്കെ വലയിലായിക്കഴിഞ്ഞു. എസ്ഡിപിഐ മണമുളള ഓരോ വീടും അരിച്ചുപെറുക്കിക്കൊണ്ടിരിക്കുകയാ ഇപ്പോൾ കാക്കിപ്പട. ഉപദ്രവം ജാസ്തിയായാൽ തെരുവിൽ നേരിടുമെന്ന് പ്രസ്താവന വന്നു കഴിഞ്ഞു. ഈ പെരുമഴയത്ത് അടിയും ലാത്തിച്ചാർ‍ജും ടിയർ‍ഗ്യാസുമായി കേരളം കലാപകബനിയാവാനുളള എല്ലാ സാധ്യതയും കാണുന്നുണ്ട്. അതിനുമുന്പായി ആരൂഢത്തിലേയ്ക്ക് പറന്നെത്തണേ കാവലാളേ. ദിലീപ് പ്രശ്നം, അമ്മപ്രശ്നം, ശ്രീജിത്ത്പ്രശ്നം, വർ‍ഗ്ഗീയത തുലയട്ടെ പ്രശ്നം, ടി പത്മനാഭൻ പറഞ്ഞ പകവീട്ടൽ പ്രശ്നം, വേണു ബാലകൃഷ്ണനെതിരെ കേസെടുത്ത പ്രശ്നം... മൈഗ്രേൻ ഒരുപാട് നാട്ടിൽ അങ്ങയെ കാത്തിരിക്കുന്നു. യുവ എംഎൽ‍എയുടെ ഭാര്യാദ്യോഗം വിവാദമായിട്ടുണ്ട്. കാര്യമായി എടപെടേണ്ടി വരും. സക്കറിയ ഇതിഹാസകാരനെ ഇൻ‍സെൽ‍ട്ട് ചെയ്തതിൽ ഒരു മധ്യസ്ഥവും ആവാം. കൊച്ചി ഇനി പഴയ കൊച്ചിയല്ലെന്ന് അങ്ങ് ഫിലാഡാൽ‍ഫിയായിൽ പ്രസംഗിച്ചതറിഞ്ഞ് ഞങ്ങ ഒന്നടങ്കം രോമാഞ്ചപ്പെടുന്നു. കേരളം പഴയ കേരളമാവാതിരിക്കട്ടെ. മാറാടിലേക്കൊക്കെ അഗ്നിക്ക് ആളിപ്പടരാൻ ഒരുഓട്ടോറിക്ഷാ ദൂരമേ ഉളളൂ. വികസനം പോലെ മനുഷ്യന്‍റെ അടിസ്ഥാനാവശ്യമാണ് സമാധാനവും. യുദ്ധം പോലെ സമാധാനവും മലയാളികൾ‍ക്ക് ഇഷ്ടമാണ്.
യുദ്ധത്തേക്കാൾ വെറുത്തുപോകുന്നത് ചില ടീവീ പ്രോഗ്രാമുകളാണ്. ഗൂഢദർ‍ശനചാപല്യത്തിന്‍റെ അപകടം ആയുസ്സുള്ളിടത്തോളം തലയിലടിച്ചു കയറ്റുന്ന സാംസ്ക്കാരിക മാലിന്യപ്പരിപാടികൾ. കൊലച്ചിൽ തണ്ടിൽ നായ ‘സാധിച്ചത്’പോലുളള സ്ക്രിപ്റ്റും ഡയറക്ഷനും. എന്‍റെ ഒടിയാ... ഇനിവരുന്നൊരു തലമുറയെങ്കിലും രക്ഷപ്പെട്ടോട്ടെ. ങ്ങക്ക് വേളാങ്കണ്ണീൽ ധ്യാനത്തിന് പോണതാണ് ബെസ്റ്റ്. മഹാനടന്‍റെ കോലമേ ഇപ്പോ കത്തിയിട്ടുളളൂ. താരരാജാവിന്‍റെ സിംഹാസനം ഹൃദയത്തീന്ന് വേരോടെ പിഴുതെറിയുന്ന ‘ഒരുനിയമസഭാമോഡൽ ജയരാജഏറിനെ’ അങ്ങയുടെ ആരാധകവൃന്ദം ഇപ്പഴും ഭയക്കുന്നുണ്ട്. ഊർ‍മ്മിളച്ചേച്ചിയുടെ ആഹാര്യസാത്വികവാചിക അഭിനയം അങ്ങേയ്ക്ക് ഒട്ടും ചേരില്ല മാണിക്യാ...
