മൊയ്തീനേ ആ ‘ചെറിയ’ സ്പാണ്ട്രിങ്ങെട്
ശരശയ്യ - നിതിൻ നാങ്ങോത്ത്
ബന്ധങ്ങളൊക്കെ കുന്തങ്ങളാവുകയാണ്!! സദാചാരകേരളം പ്ലേബോയിയുടെ നടുപ്പേജുപോലെ മലർ‍ന്നുകിടന്നുറങ്ങുകയാണ്. വൈശികതന്ത്രത്തിന്‍റെ പുത്താപുതിയ എഡിഷനുകൾ. അമ്മ മകളെ ‘കാണിക്കയായ്’ മാംസദാഹികൾ‍ക്ക് സപ്ലൈ ചെയ്യുന്നു. വേറൊരിടത്ത് സംഗതിയെ എതിർ‍ത്തതിന് മാതാപിതാക്കളെയും സ്വന്തം കുഞ്ഞുങ്ങളെയും വിഷം തീറ്റിച്ച് ഇഞ്ചിഞ്ചായി തീർ‍ക്കുന്നു.ഉറങ്ങിക്കിടക്കുന്ന നാടോടി ബാലികയെ പൊക്കിയെടുത്ത് നാടുവിടാൻ വെന്പൽ! ആങ്കുട്ട്യോക്കുപോലും നൊ രക്ഷ.വന്പൻ ഓഫറുടെ പിൻ‍ബലത്തിൽ ‘സൈക്ലിംഗ്’ ട്രെയ്നിംഗ്!! വത്സനെന്നോ കുണ്ടനെന്നോ കട്ടനെന്നോ ചെയ്തിന് ഓമനപ്പേരും. കൂട്ടുകാരൻ ഒരാവേശത്തിന് വാട്സപ്പാക്കിയ നേക്കഡ് സെൽ‍ഫി ലക്ഷങ്ങൾ കണ്ടുകഴിഞ്ഞത് പാവം കുഞ്ഞുമക്കൾ അറിയുന്നുണ്ടോ? അർ‍ധരാത്രി പുതപ്പിനടിയിൽ ലവറോട് ചാറ്റിയ ചുംബനശബ്ദതാരാവലികൾ കന്പിടോക്ക്സിലെ സർ‍വാണിസദ്യയായത് ആ പാവങ്ങൾ അറിയാൻ വഴിയില്ല. രക്ഷിതാക്കൾ‍ക്ക് കാര്യങ്ങൾ കൈവിട്ടപോലെയാണ്. ടീച്ചർ‍മാർ‍ക്ക് മെനക്കെടാനുളള ടൈമില്ല, പേടിയുമാണ്. വെറുതെ എന്തിന് വയ്യാവേലി!! പിന്നെയാര്?? കേരളീയപൊതുബോധത്തിന്‍റെ തലയ്ക്കുമുകളിൽ തൂങ്ങിയാടുന്ന ഇരുതലമൂർ‍ച്ചയുളള ചോദ്യങ്ങൾ....പ്രിക്കോഷൻ സഡണാക്കിയില്ലേൽ നമ്മുടെ കുഞ്ഞുങ്ങളെ കാക്കയും പരുന്തും ‘ബ്ലുസ്റ്റി ബൊഹാസ്റ്റി’യാക്കും. ഒരുമാസം ചൈൽ‍ഡ്ലൈനിൽ വരുന്ന കേസുകളുടെ വൈകൃതവൈചിത്ര്യങ്ങളറിഞ്ഞാൽ നിന്ന നിൽ‍പ്പിൽ ബോധം പോവും.
ജസ്റ്റിസ് ഫോർ ആസിഫയ്ക്ക് പ്ലക്കാർ‍ഡ് പിടിച്ചയാൾ, തിയേറ്റർ ഇരുട്ടിൽ ഇരുകൈകളിലും ലൈംഗികത അനുഭവിക്കുന്നത് വിരോധാഭാസമൊന്നുമല്ല. തനി ആഭാസവും കാപട്യത്തിന്‍റെ ഇരട്ടപ്പിറവിയും. എല്ലാം മണിഓറിയന്‍റായി വിലയിരുത്തുന്നവരുടേതായിപ്പോയി ഫോർ‍ജീക്കാലം. മകളെ ഗർ‍ഭിണിയാക്കിയ അച്ഛനുപോലും ഇന്നാട്ടിൽ ക്ലീൻചിറ്റാണ്. എല്ലാ നഗ്നതയും നാണക്കേടും കറൻസി കൊണ്ടുപൊത്തിവെക്കാം. പീഡോഫീലിയക്കാർ‍ക്ക് അതൊരു താളമാണ്, പ്രചോദനമാണ്. നീതിപീഠങ്ങളിൽ കണ്ണുമഞ്ഞളിച്ചാൽ പിന്നെയെന്തുണ്ട് ഗതി!! രണ്ടാംനവോത്ഥാനത്തിന്‍റെ ശംഖനാദമാണ് ആ കേൾ‍ക്കുന്നത്. ഞരന്പിൽ ചോരയോട്ടമുളള യുവത സംഘടിച്ചില്ലേൽ മാംസക്കച്ചവടം കേരളത്തിന്‍റെ പ്രധാനവരുമാനമാർ‍ഗ്ഗമാകും. ഒളിഞ്ഞും തെളിഞ്ഞും സെക്സ്ടൂറിസത്തിന്‍റെ നാന്പ് പലയിടത്തും മുളച്ചുപൊന്തിയിട്ടുണ്ട്.
ശവംതീനികളുടെ കൊക്കുകൾ‍ക്ക് തന്‍റെ മകൾ ഇരയായതിൽ, സമനിലതെറ്റിയ ഒരച്ഛന്‍റെ കഥയുണ്ട് ‘പ്ലേേസ്റ്റഷൻ’ എന്ന പേരിൽ. അയാൾ ഇപ്പോൾ ചെയ്തുകൊണ്ടിരിക്കുന്ന ജോലി സമൂഹമനസ്സാക്ഷിയെ ആഴത്തിൽ മുറിപ്പെടുത്തും.ഒരുബാഗു നിറച്ചും കളിപ്പാട്ടങ്ങളുമായി ഓഫീസിലും ബസ്റ്റാന്‍റിലും ആൾ‍ക്കൂട്ടങ്ങൾ‍ക്കിടയിലും നടന്നുവിയർ‍ക്കും.ബാഗിലുളളത് വെറുംകളിപ്പാട്ടങ്ങളല്ല. ‘സെക്സ് ടോയ്സ്’!!.എല്ലാതരത്തിലുളള കാമപൂർ‍ത്തീകരണത്തിനുമുളള സഹായകസാമഗ്രികൾ. അങ്ങനെയെങ്കിലും നമ്മുടെ ചില മൊട്ടുകളെങ്കിലും രക്ഷപ്പെടട്ടെ. ഇത്രമേൽ ലൈംഗികദാരിദ്ര്യം അനുഭവിക്കുന്ന ഒരുജനതയ്ക്ക് ഇതിലും വലിയൊരു ‘ഷോക്ക്ട്രീറ്റ്മെന്‍റ്തോട്ട്’ ഇല്ല. മുക്കിനു മുക്കിന് ചുവന്നതെരുവുകൾ ചാലുവാക്കിയാലും നെറ്റിചുളിയേണ്ടതില്ല. കേറിപ്പിടുത്തങ്ങൾ ഒഴിവാക്കാൻ അതുതന്നെ പോംവഴി.
സ്വന്തം ശരീരത്തിലെ എല്ലാ അവയവങ്ങളും ലൈംഗികാവയവങ്ങളായി നമ്മുടെ മക്കൾ തിരിച്ചറിഞ്ഞു തുടങ്ങിയിരിക്കുന്നു. മുറ്റത്തും തൊടിയിലും പീടികവരാന്തകളിലും ഉത്സവപ്പറന്പുകളിലും പാറിക്കളിച്ചിരുന്ന ന്യൂജൻ കുരുന്നുകൾ ഇന്നെവിടെയാണ്. കനത്ത ‘ഇസെഡ് കാറ്റഗറി’ സെക്യൂരിറ്റിയുമായിട്ടാണ് അവർ പുറത്തിറങ്ങുന്നത്. എന്നിട്ടും രക്ഷയില്ല. വേലിതന്നെ വിളവുതിന്ന എത്രയോ ഞെട്ടിപ്പിക്കുന്ന വാർ‍ത്തകൾ!! ‘നീ പഠിക്കൂല,അല്ലേ...’ എന്ന് പറഞ്ഞ് ചെവിയേൽ നുള്ളി, നുള്ളുകാരന്‍റെ കൈമുട്ട് ശിഷ്യയുടെ മാറിടത്തിൽ അർ‍ദ്ധസമവൃത്തം വരയ്ക്കുന്ന ഗണിതമെത്തഡോളജിയൊക്കെ നിരന്തരം നമ്മളെ നാട്ടിൽ സംഭവിക്കുന്നുണ്ട്. മാഷെ പേടിയുളള ശിഷ്യഗണങ്ങൾ ഇതൊക്കെ ആരോടുപറയാൻ! ആരു കേൾ‍ക്കാൻ?? ബാഡ്ടച്ചിനെക്കുറിച്ച് കൊച്ചുകൂട്ടുകാർ‍ക്ക് മൂന്നൂറുവാക്കിൽ കവിഞ്ഞും ഉപന്യസിക്കാൻ കാണും. പാസാവാൻ ഈ എഫേർ‍ട്ടന്നെ ധാരാളം!! സ്ക്കൂൾ‍ബസ്സിലെ കിളിമാമന്‍മാരുടെ പരിലാളനകളെപ്പറ്റി എത്രയെത്ര പരാതികൾ പിടിഎയ്ക്ക് കിട്ടുന്നു.അധികാരികൾ നോക്കുകുത്തികളായാൽ അരാജകത്വം എന്ന ചാപിള്ളയുടെ ‘സ്പീഡ് ഡെലിവറി’യായിരിക്കും ഫലം.
കിളിരൂർ, കവിയൂർ, വിതുര കച്ചോടങ്ങളൊക്കെ എത്ര പെട്ടെന്നാണ് നമ്മൾ മറന്നുപോയത്? സൗമ്യയുടെയും ജിഷയുടെയും പിന്നെ പേരറിയാത്ത ഒരുപാട് സഹോദരിമാരുടേയും ആത്മാക്കൾ എല്ലാം അറിയുന്നുണ്ടാവണം. കഴിഞ്ഞ രണ്ട് മാസംമാത്രം അഞ്ഞൂറിനടുത്ത് പോക്സോ കേസുകൾ ഈ കൊച്ചുനാട്ടിൽ റിപ്പോർ‍ട്ട്ചെയ്യപ്പെട്ടിട്ടുണ്ട് എന്നറിയുന്പോൾ ഇതിന്‍റെ കാൻ‍സർ ബോധ്യമാവും. ഇവരൊക്കെ നാളെ കുടുംബജീവിതം നയിക്കുന്പോൾ ഈ സ്ട്രോക്കുകൾ നിരന്തരം വേട്ടയാടും. ഒരു ബ്രോക്കൺമാരീഡ് ലൈഫ് ആയിരിക്കും ഇക്കൂട്ടരെ കാത്തിരിക്കുന്നതെന്ന് മനഃശാസ്ത്രജ്ഞരും സാമൂഹികശാസ്ത്രജ്ഞരും തെളിവുസഹിതം വെളിപ്പെടുത്തുന്നു. സർ‍ക്കാരും രാഷ്ട്രീയപ്പാർ‍ട്ടികളും ഉത്തരവാദപ്പെട്ട സംഘടനകളും തെക്കുവടക്കുനടന്ന് സമയവും ഫണ്ടും കളയുന്നതിനുപകരം ഇത്തരം വിഷയത്തിൽ ജാഗ്രത്താവേണ്ടതിന്‍റെ പ്രാധാന്യം ഉയർ‍ന്നുവരുന്നുണ്ട്. ആളുകളുടെ ജീവന് കാവൽ‍നിൽ‍ക്കാൻ കഴിയാത്ത ഭരണകൂടവും നീതിന്യായവ്യവസ്ഥയും വലിയ ‘തോൽ‍വി’യായിരിക്കും !!
ഇരയുടെ രാഷ്ട്രീയവും മതവും ജാതകവും നോക്കി പ്രതികരിക്കുന്നതും ശിക്ഷവാങ്ങിക്കൊടുക്കുന്നതും നാട്ടുനടപ്പായിട്ടുണ്ട്. ഭയപ്പെടുത്തി വായ അടപ്പിക്കുക എന്ന പഴയ തന്ത്രവുമുണ്ട്. പ്രതികരിക്കുന്നവരെ വന്പൻ അനാശാസ്യകളളക്കേസിൽ കുടുക്കി അവരുടെ കുടുംബവും നാറ്റിക്കുന്നത് സൽ‍ക്കർ‍മ്മമായ നാട്ടിൽ ആഴത്തിലുളള സൂചിവെക്കലുകൾ അനിവാര്യം. വേരിലെ ഇഞ്ചക്ഷൻ കൊണ്ടേ കാര്യമുളളൂ. ബോധോദയം മാത്രമാണ് ഒരേയൊരു വിപ്ലവം എന്ന രീതിയിൽ ‘ദ്രുതകർ‍മ്മസേന’യെ ഇതിനായി സർ‍ക്കാർ തലത്തിൽ നിയോഗിക്കണം. നിയമങ്ങളൊന്നും ചുവപ്പുനാടയ്ക്കകത്ത് കൂർ‍ക്കം വലിക്കാനുളളതല്ല. ഈയിടെയായി കേരളത്തിൽ വർ‍ദ്ധിച്ചുവരുന്ന ആത്മഹത്യകളുടെ പിന്നാന്പുറം പരിശോധിച്ചാൽ ലൈംഗികതയുടെ നീരാളിക്കൈകൾ സ്പഷ്ടമാവും. അരിപ്രാവുകളെ കൊത്തിപ്പറക്കുന്ന കഴുകമനുഷ്യരെ ഒറ്റപ്പെടുത്താൻ സമൂഹമനഃസാക്ഷി ഉണരണം.നമ്മുടെ വീട്ടിലും കുഞ്ഞുങ്ങളുണ്ടെന്ന് ഓർ‍ക്കുക...
അയ്യപ്പണിക്കർ എഴുതിയത് പോലെ, ‘അയൽ‍പക്കത്തെ അരവയർ നിറയാപ്പെണ്ണിന് മുഴുവയർ നൽ‍കും മർ‍ത്ത്യന് സ്തുതിപാടുക നാം...’ അവർ‍ക്ക് സ്വന്തം ചോരയെ കാണിക്കയാക്കുന്ന മഹിളാളിമഹാസ്പദങ്ങൾ‍ക്കും സ്തുതിപാടുക നാം.... ഇതൊക്കെ കണ്ടും കേട്ടും അനങ്ങാപ്പാറാനയം തുടരുന്ന നമുക്കോരോരുത്തർ‍ക്കും സ്വന്തം പേരിലും പിന്നെ ഉളുപ്പിന്‍റെ പേരിലും സ്തുതിപാടുക നാം. നമ്മുടെ ധാരണകൾ നമ്മളെ ശിക്ഷിക്കട്ടെ. എല്ലാം കാണാൻ മുകളിൽ ചിലകണ്ണുകൾ കൂടി ദൈവത്തോടൊപ്പമിരിക്കുന്നത് സ്മൃതികളിലുണ്ടായിരിക്കട്ടെ... അഭിവാദ്യങ്ങൾ.
നാനോടെക്കികളായ ‘ചെറിയ’പീഡകരുടെ വാളിൽ ‘കാസ്റ്ററേറ്റ് ഓൾ ബ്ലഡി...’എന്നു വാളുവെച്ചതു കൊണ്ടൊന്നും കാര്യമില്ല ഝാൻ‍സിയിലെ ഓ..സോറി.. ഫെയ്സ്ബുക്കിലെ റാണീലക്ഷ്മീ ഭായ് ഓർ ബഹനോം...
