ഞാൻ ആകുന്നു വാതിൽ...
ശരശയ്യ - നിതിൻ നാങ്ങോത്ത്
അയാം ദി ഗേറ്റ് കൾ‍ച്ചർ ചരിത്രത്തിലെ ചുരുക്കം ചില നേതാക്കളേ ട്രാക്കിൽ വരുത്തിയിട്ടുളളൂ.കടക്ക് പുറത്ത് മനോഹരമായ നാട്ടുഭാഷ തന്നെ. കുലം കുത്തി പോലെ, പരനാറി പോലെ, ഒന്നു പോടെടോ പോലെ തനി ഫോക്ക് ലോർ ലാംഗ്വേജ്! പോക്ക് ലോർ ക്ലാസിക്കൽ ഫാഷ. അക്ഷരങ്ങൾ‍ക്കിടയിൽ ഗ്രാമ്യവിശുദ്ധി റാപ്പ്ഡാൻ‍സ് നടത്തുന്നു. അഭിമാനിക്കുക ശ്രേഷ്ഠഭാഷേ. കാനം ദോസ്തുവരെ സർ‍ട്ടിഫിക്കറ്റിൽ പച്ചമഷി വരച്ചതിലാണ് അത്ഭുതം. ഫിയർ പൊളിറ്റിക്സ്!! എന്തരോ എന്തോ...
മണ്ണാപ്പേടി പുലപ്പേടി പോലെ “പിണറായിപ്പേടിയും” ചുരുങ്ങിയ പക്ഷം കേരളക്കൾ‍ച്ചർ പാഠപുസ്തകത്തിൽ സിലബസ് ചെയ്യപ്പെടും. ഭയപ്പെടുത്തി അനുസരിപ്പിക്കുക എന്നത് ലീഡർ‍ഷിപ്പ് ക്വാളിറ്റിയുടെ അന്താരാഷ്ട്രനിലവാരമാണ്. എന്തെങ്കിലും നഷ്ടപ്പെടുമോ എന്ന ചിന്തയാണല്ലോ ഭയം? ഈ ചിന്താപദ്ധതിയെ മാക്സിമം തനിക്കാക്കി ശരിപ്പെടുത്തുന്നുണ്ട് സേനാപതി. മുട്ടുവിറ ഉദ്യോഗസ്ഥരുടെ ശീലത്തിന്‍റെ ഭാഗമായി. ഐഎഎസ്, ഐപിഎസ് സിങ്കങ്ങളൊക്കെ റാൻ റാൻ മ്യൂസിക്കിന് മകുടി ഊതുന്നു. ശ്രീറാം ദേവീകുളം പാഠം പണിക്കൂലി കിഴിച്ച് ഓരോരുത്തരും മെമ്മറിക്കുന്നുണ്ട്. സെൻ‍പീഡന പർ‍വ്വം മഹാമേരുവായി ഉറക്കം കെടുത്തുന്നു. ദിനേന്ദ്ര കശ്യപിന്‍റെ ചലനം ദിലീപിൽ ജ്വലനമുണ്ടാക്കില്ലേലും സഹകാക്കിക്കാർ‍ക്ക് തീവ്രപാഠമാണ്.
സ്രാവുകൾ‍ക്കൊപ്പം സ്വിമ്മിങ് പഠിച്ചയാളുടെ കുളിയിപ്പോൾ പൂളിലാക്കി. കോൺ‍ഗ്രസ് മന്ത്രിമാർ‍ക്കെതിരെ തേപ്പ് ഫെസ്റ്റിവെൽ നടത്തിയ വിജിലൻ‍സ് ചെയറിൽ പൂച്ച പെറ്റു കിടക്കുകയാണ്. പാർ‍ട്ടിയാപ്പീസിൽ നിന്നു കൊടുത്ത പണിലീസ്റ്റുകൾ മുൻ‍കാലപ്രാബല്യത്തിൽ വരുന്നതോടെ വജ്രകേരളം സ്വച്ഛന്ദകേരളമാവും. ഏമാന്‍മാരെല്ലാം ഇങ്ങനെ പേടിച്ച് ജോലി ചെയ്ത ചരിത്രം ഇന്നാട്ടിലുണ്ടായിട്ടില്ല. സർ‍ക്കാർ സർ‍വെന്‍റുകളുടെ കാര്യം പോകട്ടെ. വിനീത വിധേയത്വം അവരുടെ സർ‍വ്വീസ് ചട്ടത്തിൽ അണ്ടർ‍സ്റ്റുഡാണ്. അത് മറിച്ച് നോക്കാത്തവർ അട്ടപ്പാടിയിലോ മഞ്ചേശ്വരത്തോ കൊതുകുകടി കൊള്ളും. പറഞ്ഞു വരുന്നത് നമ്മുടെ “ബഹുജനജിഹ്വ” ക്കാരുടെ കാര്യമാണ്. പടച്ചോൻ തെറ്റുചെയ്താലും ഞങ്ങൾ റിപ്പോർ‍ട്ട് ചെയ്തുകളയും എന്ന് വീന്പിളക്കിയ ഫിംഗർ‍റവല്യൂഷൻ പ്യൂപ്പിൾ‍സ്!! ജിഹ്വ ഇപ്പോൾ ഉപ്പുമാങ്ങാ ഭരണിയിലാണോ. പത്രപ്രവർ‍ത്തകയൂണിയനൊക്കെ പൂട്ടി ചാവി ഹൗസ് ഓണറെ ഏൽ‍പ്പിച്ചോ? ഗെറ്റൗട്ട് ഹൗസ് കേട്ടിട്ട് ഒരു സ്വദേശാഭിമാനിക്കും ചോര തിളച്ചില്ല. കൈ തരിച്ചില്ല. എല്ലാരും ഗാന്ധിസത്തിന് പഠിക്കുകയാണ്. ഒരു ചെകിടത്ത് കിട്ടിയാൽ മറ്റേ ചെകിടല്ല, വേണേൽ ചന്തിയും കാട്ടിക്കൊടുക്കും. അതിജീവനം ഉപജീവനത്തിന് സാഷ്ടാംഗപ്പെട്ടിരിക്കുന്നു. ജോപ്പൻ, കോപ്പൻ എന്നൊക്കെപ്പറഞ്ഞ് ചാണ്ടിയങ്ങുന്നിന്‍റെ സമാധാനം കെടുത്തിയതിനുളള ശിക്ഷയാവാം. ദിലീപിന്‍റെ കുടുംബം കുളംതോണ്ടിയതിന്‍റെ പ്രാക്കാവാം. ഇതൊന്നുമല്ലെങ്കിൽ കറുത്ത ഗൗണിട്ടവരുടെ എനിമീസംഹാരപൂജ ഏറ്റതാവാം. ഗൗനിക്കേണ്ടവരെ ഗൗനിച്ചില്ലേൽ മൗനത്തിലായിരിക്കും അഭയം. മാധ്യമ സിന്‍റിക്കേറ്റുകൾ കൂടി റിസർ‍വിലാവുന്പോൾ നമ്മൾ പാവങ്ങൾ നാട്ടുകൂട്ടം നേരറിയാൻ നേരത്തേ അറിയാൻ ഇനി എന്തോ ചെയ്യും? നിർ‍ഭയം, നിരന്തരം ഞങ്ങൾ ആരെ കേൾ‍ക്കും?
പിണറായിയാണ് നേതാവ്. േസ്റ്ററ്റിന്‍റെ മുഴുവൻ കണ്‍ട്രോളും തന്‍റെ ഉളളംകൈയിൽ വെച്ച് അമ്മാനമാടാനുളള തന്‍റേടം മറ്റേത് ലീഡറിൽ സംഭവിച്ചിട്ടുണ്ട്. വെടിക്കെട്ടിന്‍റെ തുടക്കം എപ്പോഴും അറ്റത്തു നിന്നായിരിക്കുമല്ലോ എന്ന തിരിച്ചറിവിനാൽ കേരളക്കാവിപ്പാർ‍ട്ടിയുമൊന്ന് ഞെട്ടിയിട്ടുണ്ട്. കുതറാനൊരു ശ്രമം നടത്തിയ സിപിഐ ഇന്ദ്രചന്ദ്രന്‍മാരുടെ അഡ്രസ്സില്ല. സഹമന്ത്രിമാരൊക്കെ ഊണിലും ഉറക്കത്തിലും ജാഗരൂകരാണ്. മണിമന്ത്രി സ്പോക്കൺ മലയാളത്തിന് ചേർ‍ന്നിട്ടുണ്ട്. കാവ്യമീമാംസാകാരാൻ ജീയങ്ങുന്ന് മാസ്മരിക കവനങ്ങൾ എഴുതി പ്രശോഭിക്കുന്നു. ഉണ്ടയില്ലാ വെടി പൊട്ടിക്കുന്ന മ്യാരകവെറ്ററൻ ചീപ്പ് വെപ്പ് ജോർ‍ജേട്ടൻ‍സ് പൂരത്തെക്കൂട്ടി കണ്ണുരുട്ടാൻ പറ്റിയാൽ പിണറായി ചരിതം ആട്ടക്കഥ (ബാഹുബലി) കിടു ആണെന്ന് പറയാം. തന്‍റേടം എന്നതിന് തന്‍റേത് മാത്രമായ ഇടം എന്ന് അക്ഷരാർ‍ത്ഥം ലഭിക്കുന്നത് ഇങ്ങനെയൊക്കെയാണ്.
പിണറായി മോഡൽ ശശിതരൂർ റിപ്പബ്ലിക്കിനിട്ട് ആട്ടിയത് കട്ടഫാനിസം ആണ് കാണിക്കുന്നത്. പല ലൊക്കേഷനിൽ നിന്നും ഇനി പലരും പടിയടച്ച് പിണ്ടിഷ്ടനാവുന്ന നയനമനോഹര കാഴ്ചയ്ക്ക് വരും ദിവസങ്ങളിൽ കേരളം സാക്ഷിയായേക്കും. തച്ചങ്കരി മോഡൽ അഗ്നിശമനങ്ങൾ വരാനിരിക്കുന്നതേയുളളൂ... രാഹുൽ ആർ നായർ‍ക്കൊക്കെ എന്തെന്ത് ഓർ‍മ്മകളുണ്ടായിരിക്കും? മീറ്റ് വിത്ത് കോംപ്രമൈസിൽ വിശ്വസിച്ച് തടി കേടാക്കേണ്ട അനുയായികളേ. അൽ‍പം കരുതലിലും ഒളിവിലും തുടർ‍ന്നേക്കുക. അരത്തെയും ഹഗ്ഗ് ചെയ്ത് കത്തിമഴുവടിവാളുകൾ എവിടെ നിന്നൊക്കെയോ പുഞ്ചിരിക്കുന്നുണ്ടാവണം. തോക്കും ലേസർ വെപ്പണും... എന്തിനധികം പോയിസൺ ഇ‍ഞ്ചക്ഷൻ പോലും സക്രിയമായിട്ടും നമ്മളിങ്ങനെ തുരുന്പിച്ച പിച്ചാത്തിയുമായി തേരോട്ടം നടത്തുന്നത് മഹാബോറു തന്നെ. അപ്ഡേഷൻ എന്ന സംഗതി തലമുടിക്കൊപ്പം തലച്ചോറും നരച്ചുപോയ നമ്മുടെ നേതാക്കളെ പഠിപ്പിക്കുവാൻ ഹൃദയവിശാലതയുണ്ടാവണം. റേപ്പിക്കാൻ വരുന്നവന്‍റെ ലഗാനും ചുംബിക്കാൻ വരുന്നവന്‍റെ നാവും കണ്ടിക്കുന്ന നവലിബറൽ നയങ്ങളൊക്കെ ഇക്കൂട്ടർ എന്നാണാവോ പരിശീലിച്ചെടുക്കുക. പേടി ഒരു വികാരമല്ല. കാലാവസ്ഥയായിരിക്കും ഇനിയങ്ങോട്ട്. ആധുനികപേടി ശാസ്ത്രത്തിന്‍റെ ഉപജ്ഞാതാവ് ആരെന്ന പിഎസ്്സി ചോദ്യത്തിൽ പിണറായിയെന്ന നമ്മളുടെ അഭിമാന മുഖ്യൻ കാലാന്തരേ പുഞ്ചിരിച്ചു കൊണ്ടേയിരിക്കും. എച്ച് എമ്മിനെ പേടിയില്ലാത്ത ഉസ്ക്കൂൾ എന്ത് സ്ക്കൂൾ!!
