സെപ്റ്റംബര്‍ ഒന്ന് മുതല്‍ യുഎഇയിലെ റെസിഡന്‍സി നിയമങ്ങള്‍ കര്‍ശനമാകും
അബുദാബി: യുഎഇയില്‍ വിസ നിയമലംഘകര്‍ക്ക് രണ്ട് മാസത്തെ പൊതുമാപ്പ് പ്രഖ്യാപിച്ചിരിക്കെ, ഭാവിയില്‍ ഇത്തരം സംഭവം ആവര്‍ത്തിക്കാതിരിക്കാനുള്ള മുന്‍കരുതല്‍ നടപടികളുമായി യുഎഇ ഭരണകൂടം. ഇതിന്‍റെ ഭാഗമായി സെപ്തംബര്‍ 1 മുതല്‍, റെസിഡന്‍സി ചട്ടങ്ങളില്‍ കാര്യമായ മാറ്റങ്ങള്‍ വരുത്തുമെന്ന് അധികൃതര്‍ അറിയിച്ചു. രാജ്യത്ത് സുരക്ഷ ഉറപ്പാക്കുകയും നിയമങ്ങള്‍ പാലിക്കപ്പെടുന്നുവെന്ന് ഉറപ്പുവരുത്തുകയും ചെയ്യുന്നതിന്‍റെ ഭാഗമായാണ് നടപടി.
നാടുകടത്തല്‍ ഉള്‍പ്പെടെയുള്ള ഗുരുതരമായ പ്രത്യാഘാതങ്ങളാണ് വിസ നിയമലംഘകരെ കാത്തിരിക്കുന്നത്. ഇത് ഒഴിവാക്കാന്‍ വിസ, റെസിഡന്‍സി നിയമങ്ങള്‍ ശരിയായി മനസ്സിലാക്കുകയും കൃത്യമായി പാലിക്കുകയും ചെയ്യേണ്ടതിന്റെ ആവശ്യകത അധികൃതര്‍ ഊന്നിപ്പറയുന്നു.
