ഫിഫ ലോകകപ്പ് ഉദ്ഘാടനച്ചടങ്ങിൽ ബിടിഎസ് താരം ജങ്കൂക്കിന്റെ സംഗീതവിരുന്ന്
നവംബർ 20ന് ഖത്തറിലെ അൽ ബൈത്ത് സ്റ്റേഡിയത്തിൽ വെച്ച് നടക്കുന്ന ഫിഫ ലോകകപ്പ് 2022 ഉദ്ഘാടന ചടങ്ങിൽ കെ-പോപ്പ് താരവും ബിടിഎസ് ബാൻഡ് അംഗവുമായ ജിയോൺ ജങ്കൂക്ക് പങ്കെടുക്കാനൊരുങ്ങുന്നു. ബിടിഎസ് കൈകാര്യം ചെയ്യുന്ന ഏജൻസിയായ ബിഗ് ഹിറ്റ് എന്റർടൈൻമെന്റ് ട്വീറ്റ് ചെയ്താണ് ഇക്കാര്യം വ്യക്തമാക്കിയത്.
അതേസമയം ലോകകപ്പിന് ആവേശം പകരാൻ ഫുട്ബോൾ താരങ്ങൾ ദോഹയിൽ എത്തിത്തുടങ്ങി. ദോഹയിൽ ആദ്യമായി എത്തിചേ‍‍‍‌‌ർന്ന അമേരിക്കൻ ടീമിനൊപ്പം അവരുടെ പ്രതിനിധികളും ഉൾപ്പെടുന്നു. ലോക ഫുട്‌ബോളിലെ ഏറ്റവും വലിയ ഇവന്റിൽ മത്സരിക്കാൻ കോച്ചുകൾ തങ്ങളുടെ ടീമിനെ വെളിപ്പെടുത്തിയപ്പോൾ ഫുട്ബോൾ ലോകം കഴിഞ്ഞ ആഴ്‌ച ആവേശഭരിതരായിരുന്നുവെന്ന് ഫിഫ പ്രസിഡന്റ് ജിയാനി ഇൻഫാന്റിനോ പറഞ്ഞു. 32ഓളം രാജ്യ‍‍ങ്ങൾ മാറ്റുരയ്ക്കുന്ന ഈ കായിക മാമാങ്കത്തിന്റെ ഫൈനൽ മത്സരം ഡിസംബർ 18ന് ലുസൈൽ സ്റ്റേഡിയത്തിൽ വെച്ച് നടക്കും.
ghdhdf
