ബാറ്റ് ചെയ്യുന്നതിനിടെ കുഴഞ്ഞുവീണു ക്രിക്കറ്റ് താരത്തിന് ദാരുണാന്ത്യം
മഹാരാഷ്ട്രയിൽ ക്രിക്കറ്റ് മത്സരത്തിനിടെ യുവതാരം കുഴഞ്ഞുവീണ് മരിച്ചു. ഓൾറൗണ്ടറായ ഇമ്രാന്‍ പട്ടേൽ (35) ആണ് മരിച്ചത്. പൂനയിലുള്ള ഗര്‍വാരെ സ്റ്റേഡിയത്തിലാണ് സംഭവം. മത്സരത്തില്‍ തന്‍റെ ടീമിനായി ഓപ്പണിംഗ് ബാറ്ററായി ഇറങ്ങിയത് ഇമ്രാന്‍ പട്ടേലായിരുന്നു. ഒരു ബൗണ്ടറി നേടിയതിനു പിന്നാലെ നെഞ്ചുവേദന അനുഭവപ്പെട്ടതിനെ തുടര്‍ന്ന് അംപയറുടെ അനുമതിയോടെ ഇമ്രാന്‍ മൈതാനം വിട്ടു. എന്നാല്‍ പവലിയനിലേക്കുള്ള മടങ്ങുന്നതിനിടെ താരം പെട്ടെന്ന് കുഴഞ്ഞുവീഴുകയായിരുന്നു. ഉടനടി സഹതാരങ്ങള്‍ പാഞ്ഞെത്തി ഇമ്രാന്‍ പട്ടേലിന് പ്രഥമശുശ്രൂഷ നല്‍കിയ ശേഷം പെട്ടെന്ന് ആശുപത്രിയിലേക്ക് മാറ്റിയെങ്കിലും ജീവന്‍ രക്ഷിക്കാനായില്ല.
മത്സരം തത്സമയം സ്ട്രീം ചെയ്‌തിരുന്നതിനാല്‍ സംഭവത്തിന്‍റെ വീഡിയോ സോഷ്യല്‍ മീഡിയയില്‍ പ്രചരിച്ചു. താരം നെഞ്ചുവേദന അനുഭവപ്പെടുന്നതായി സഹതാരത്തോടും ഫീൽഡ് അംപയർമാരോടും പറയുന്നതും അല്പസമയത്തിനു ശേഷം ഡഗ്ഔട്ടിലേക്ക് മടങ്ങുന്നതും വീഡിയോയിലുണ്ട്.
FXDDSASWASW
