234 മണ്ഡലങ്ങളിലും നന്ദിപ്രകടന പൊതുയോഗങ്ങൾ സംഘടിപ്പിക്കാനൊരുങ്ങി തമിഴ്‌നാട് ബിജെപി
തമിഴ്‌നാട്ടിലെ 234 നിയമസഭാ മണ്ഡലങ്ങളിലും നന്ദി പ്രകടന പൊതുയോഗങ്ങൾ സംഘടിപ്പിക്കാനൊരുങ്ങി ബിജെപി. സംസ്ഥാനത്തെ 234 നിയമസഭാ മണ്ഡലങ്ങളിലും ക്രമീകരണങ്ങൾ ഏർപ്പെടുത്താൻ സംസ്ഥാന പ്രസിഡൻ്റ് കെ അണ്ണാമലൈ പാർട്ടി ഭാരവാഹികൾക്ക് നിർദേശം നൽകി. ചെന്നൈയിലെ വനഗരത്ത് പാർട്ടി സംസ്ഥാന എക്‌സിക്യൂട്ടീവ് യോഗത്തിൽ സംസാരിക്കുകയായിരുന്നു അദ്ദേഹം.
2026ൽ സംസ്ഥാനത്ത് ബിജെപിക്ക് സർക്കാർ രൂപീകരിക്കാൻ യുവാക്കൾ താഴെത്തട്ടിലേക്ക് പോകണം. ഡിഎംകെ സർക്കാർ സാധാരണക്കാരന്റെ ജീവന് ഉറപ്പില്ലാത്തതുപോലെയാണ് പ്രവർത്തിക്കുന്നത്. ഇത്രയും അക്രമാസക്തമായ ഒരു സംസ്ഥാനം മുമ്പ് തമിഴ്‌നാട് കണ്ടിട്ടില്ല. അടുത്ത രണ്ട് വർഷത്തിനുള്ളിൽ എപ്പോൾ വേണമെങ്കിലും തമിഴ്നാട്ടിൽ ഒരു രാഷ്‌ട്രീയ പുനഃക്രമീകരണം സംഭവിക്കാം. അതിനാൽ ബിജെപി ഭാരവാഹികൾ ഈ അവസരം പ്രയോജനപ്പെടുത്തണം. അടുത്ത രണ്ട് വർഷം തമിഴ്നാട്ടിൽ ബിജെപിക്ക് നിർണായകമാണെന്നും അണ്ണാമലൈ പറഞ്ഞു.
WERRTW
