പുല്‍പ്പള്ളിയില്‍ നിരോധനാജ്ഞ പ്രഖ്യാപിച്ചു; പോളിന്‍റെ വീട്ടുവളപ്പിലും പ്രതിഷേധം
കാട്ടാന ആക്രമണത്തില്‍ കൊല്ലപ്പെട്ട വനംവകുപ്പ് വാച്ചറുടെ മൃതദേഹവുമായുള്ള പ്രതിഷേധത്തിനിടെ സംഘര്‍ഷമുണ്ടായതിന് പിന്നാലെ പുല്‍പ്പള്ളി പഞ്ചായത്തില്‍ നിരോധനാജ്ഞ പ്രഖ്യാപിച്ചു. ഇന്നും നാളെയുമാണ് നിരോധനാജ്ഞ പ്രഖ്യാപിച്ചിരിക്കുന്നത്. ജനരോഷം രൂക്ഷമായ സാഹചര്യത്തിലാണ് നടപടി. നിലവില്‍ മൃതദേഹം ആംബുലന്‍സില്‍നിന്ന് ഇറക്കാതെ പോളിന്‍റെ വീട്ടുവളപ്പില്‍ നാട്ടുകാര്‍ പ്രതിഷേധിക്കുകയാണ്. പോളിന്‍റെ കുടുംബത്തിന് 50 ലക്ഷം രൂപ നല്‍കാമെന്ന് ഉറപ്പ് ലഭിക്കാതെ പ്രതിഷേധം അവസാനിപ്പില്ലെന്ന നിലപാടിലാണ് നാട്ടുകാര്‍.
10 ലക്ഷം രൂപ അടിയന്തരമായി അനുവദിക്കാമെന്നും ബാക്കി തുക നല്‍കുന്ന കാര്യം സര്‍ക്കാരിനോട് ശിപാര്‍ശ ചെയ്യാമെന്നുമാണ് നേരത്തേ പഞ്ചായത്ത് ഓഫീസില്‍ ചേര്‍ന്ന യോഗത്തില്‍ തീരുമാനിച്ചത്. എന്നാല്‍ ഇത് അംഗീകരിക്കാന്‍ കഴിയില്ലെന്ന് നാട്ടുകാര്‍ അറിയിച്ചു. പോളിന്‍റെ വീട്ടിലെത്തിയ എഡിഎമ്മിനെ നാട്ടുകാര്‍ തടഞ്ഞു. തങ്ങളുടെ ആവശ്യങ്ങള്‍ അംഗീകരിക്കാതെ എഡിഎമ്മിന് ഇവിടെനിന്ന് പുറത്തേക്ക് വിടില്ലെന്നും പ്രതിഷേധക്കാര്‍ പറഞ്ഞു. പോളിന്‍റെ ഭാര്യയ്ക്ക് താത്ക്കാലിക ജോലി നല്‍കാമെന്ന വാഗ്ദാനവും സ്വീകാര്യമല്ല. സ്ഥിരജോലിക്ക് സര്‍ക്കാരിന് ശിപാര്‍ശ നല്‍കാമെന്ന യോഗത്തിന്‍റെ തീരുമാനം അംഗീകരിക്കാനാകില്ല. പതിവ് പോലെയുള്ള വാഗ്ദാനങ്ങള്‍ വേണ്ടെന്നും നടപടി ഉണ്ടാകാതെ പ്രതിഷേധം അവസാനിപ്പിക്കില്ലെന്നുമാണ് നിലപാട്.
dsdsdsdscdfsdfs
