സ്ത്രീധനം ചോദിക്കുന്നവരോട് പോടോ എന്ന് പറയണം''; മുഖ്യമന്ത്രി
കൊച്ചി: സ്ത്രീധനം തന്നാൽ മാത്രമേ വിവാഹം കഴിക്കൂ എന്ന് പറയുന്നവരോട് പോടോ എന്ന് പറയാന്‍ പെണ്‍കുട്ടികള്‍ തയാറാകണമെന്ന് മുഖ്യമന്ത്രി പിണറായി വിജയന്‍. സമൂഹത്തിനും ഇക്കാര്യത്തില്‍ ഉത്തരവാദിത്വം ഉണ്ടെന്നും മുഖ്യമന്ത്രി പ്രതികരിച്ചു. സ്ത്രീധനത്തിന്‍റെ പേരില്‍ ഡോ.ഷഹന ജീവനൊടുക്കിയ സംഭവം സര്‍ക്കാര്‍ ഗൗരവമായാണ് കാണുന്നത്. സംഭവത്തില്‍ നിയമപരമായ നടപടികള്‍ സ്വീകരിക്കുമെന്നും മുഖ്യമന്ത്രി പറഞ്ഞു. ഷഹനയും റുവൈസും ഡോക്ടര്‍മാരാണ്, അവര്‍ക്ക് നില രീതിയില്‍ ജീവിച്ച് പോകാന്‍ കഴിയുമായിരുന്നു. പിന്നെയും എന്തിനായിരുന്നു ഇത്രയും അധികം പണമെന്ന് മനസിലാകുന്നില്ലെന്നും മുഖ്യമന്ത്രി പറഞ്ഞു. യുവ ഡോക്ടര്‍ ഷഹന ജീവനൊടുക്കിയ പശ്ചാത്തലത്തിലാണ് മുഖ്യമന്ത്രിയുടെ പ്രതികരണം.
ഉയര്‍ന്ന സ്ത്രീധനം നല്‍കാത്തതിന്‍റെ പേരില്‍ സുഹൃത്ത് വിവാഹാലോചനയില്‍ നിന്ന് പിന്മാറിയതിലെ നിരാശയാണ് ആത്മഹത്യയ്ക്ക് കാരണമെന്ന് ഷഹനയുടെ മാതാവും സഹോദരിയും പോലീസിന് മൊഴി നല്‍കിയിരുന്നു. ഇതിന്‍റെ അടിസ്ഥാനത്തിൽ റുവൈസിനെ പോലീസ് കസ്റ്റഡിയിലെടുത്തിരുന്നു.
ASDADSDSADSADSADS
