'72 ലോൺ ആപ്പുകൾ നീക്കാൻ ഗൂഗിളിനും ഡൊമൈന് രജിസ്ട്രാര്ക്കും കര്ശന നിര്ദേശം
തിരുവനന്തപുരം: ഓൺലൈൻ വായ്പ തട്ടിപ്പിനെതിരെ കർശന നടപടിയുമായി കേരള പൊലീസ്. 72 ലോൺ ആപ്പുകൾ നീക്കം ചെയ്യാൻ നോട്ടീസ് നൽകി. സൈബര് ഓപ്പറേഷന് എസ് പി ഹരിശങ്കറാണ് ഗൂഗിളിനും ഡൊമൈന് രജിസ്ട്രാര്ക്കും നോട്ടീസ് നല്കിയത്. മൗറീഷ്യസ്, സിംഗപ്പൂർ ആസ്ഥാനമായി പ്രവർത്തിക്കുന്ന ആപ്പുകൾ നീക്കം ചെയ്യണമെന്നാണ് നിർദേശം.
തട്ടിപ്പ് നടത്തുന്ന ലോണ് ആപ്പുകളും ട്രേഡിംഗ് ആപ്പുകളും നീക്കം ചെയ്യാനും നിർദേശം നല്കിയിട്ടുണ്ട്. ഓൺലൈൻ വായ്പ തട്ടിപ്പുകൾ സംസ്ഥാനത്ത് വർദ്ധിച്ചു വരുന്ന സാഹചര്യത്തിലാണ് പൊലീസ് നടപടി കടുപ്പിക്കുന്നത്. അനധികൃത ആപ്പുകൾ പ്രവര്ത്തിക്കുന്നത് ചൈന, മൗറീഷ്യസ്, സിംഗപ്പൂര്, ഇന്തോനേഷ്യ തുടങ്ങിയ രാജ്യങ്ങൾ കേന്ദ്രീകരിച്ചുള്ള വെബ്സൈറ്റുകളിലാണെന്നാണ് കണ്ടെത്തല്.
കഴിഞ്ഞ ദിവസം ലോണ് ആപ്പ് തട്ടിപ്പിനെക്കുറിച്ചുളള പരാതികള് അറിയിക്കാന് പൊലീസ് വാട്സ്ആപ്പ് നമ്പര് ഒരുക്കിയിരുന്നു. 94 97 98 09 00 എന്ന നമ്പറിലാണ് പരാതി നല്കേണ്ടത്. 24 മണിക്കൂറും പൊലീസിനെ വിവരങ്ങള് അറിയിക്കാം. നേരിട്ടുവിളിച്ച് സംസാരിക്കാനാവില്ല. ടെക്സ്റ്റ്, ഫോട്ടോ, വീഡിയോ, വോയിസ് എന്നിവയായി മാത്രമാണ് പരാതി നല്കാന് കഴിയുക.
adsddasffddfdad