‘ജലമോഷണം അറിയിക്കുന്നവർക്ക് പാരിതോഷികം പ്രഖ്യാപിച്ച് വാട്ടർ അതോറിറ്റി
വാട്ടര് കണക്ഷനുകളിലെയും പൊതുടാപ്പുകളിലെയും ജല ദുരുപയോഗവും ജലമോഷണവും യഥാസമയം ബന്ധപ്പെട്ട വാട്ടര് അതോറിറ്റി ഉദ്യോഗസ്ഥരെ അറിയിക്കുന്ന പൊതുജനങ്ങള്ക്ക് പ്രോത്സാഹനമായി പാരിതോഷികം നല്കാൻ കേരള വാട്ടർ അതോറിറ്റിയുടെ തീരുമാനം. ജലദുരുപയോഗത്തിനും മോഷണത്തിനും ചുമത്തുന്ന പിഴയുടെ 10% (പരമാവധി 5000 രൂപ) പാരിതോഷികമായി നല്കും. ഇത്തരം വിവരങ്ങള് നല്കുന്നവരുടെ പേരുവിവരങ്ങള് അതോറിറ്റി രഹസ്യമായി സൂക്ഷിക്കുകയും ചെയ്യും.
വിവരം വാട്ടര് അതോറിറ്റിയുടെ ടോള് ഫ്രീ നമ്പര് ആയ 1916-ല് വിളിച്ചറിയിക്കാവുന്നതാണ്. ജലമോഷണം തടയുന്നതിന്റെ ഭാഗമായി നല്കുന്ന പാരിതോഷികങ്ങള് ഉപാധികള്ക്കധിഷ്ഠിതമായിരിക്കും കേരള വാട്ടര് അതോറിറ്റിയിലെ സ്ഥിര-താല്ക്കാലിക (കുടുംബശ്രീ, എച്ച്.ആര് ഉള്പ്പടെ) ജീവനക്കാരും അവരുടെ കുടുംബാംഗങ്ങളും പാരിതോഷികത്തിന് അർഹരല്ല. വീഡിയോ, ഫോട്ടോ എന്നിവ തെളിവായി അതത് ഡിവിഷനിലെ എക്സിക്യൂട്ടിവ് എന്ജിനീയരുടെ മൊബൈല് നമ്പറിലേക്കോ, 9495998258 എന്ന നമ്പറിലേക്കോ, rmc2internal@gmail.com എന്ന ഇമെയിലിലേക്കോ അയയ്ക്കേണ്ടതാണ്. കൃത്യമായ ലൊക്കേഷന് നല്കുന്നവരെ മാത്രമേ പരിഗണിക്കുകയുള്ളു.
addasadsdsaads
