സിവില്‍ സര്‍വീസ് പരീക്ഷാഫലം പ്രസിദ്ധീകരിച്ചു; ആറാം റാങ്ക് പാലാ സ്വദേശിക്ക്
സിവില്‍ സര്‍വീസ് പരീക്ഷാഫലം പ്രസിദ്ധീകരിച്ചു. കോട്ടയം പാലാ സ്വദേശിയായ ഗഹന നവ്യാ ജെയിംസ് ആറാം റാങ്ക് സ്വന്തമാക്കി. പാലാ സെന്‍റ് തോമസ് കോളജിൽനിന്ന് പൊളിറ്റിക്കൽ സയൻസിൽ ഒന്നാം റാങ്കോടെയാണ് ഗഹന ബിരുദാനന്തര ബിരുദം നേടിയത്. മലയാളികളായ ആര്യ.വി.എം 36-ാം റാങ്കും അനൂപ് ദാസ് 38-ാം റാങ്കും എസ്.ഗൗതം ദാസ് 68-ാം റാങ്കും കരസ്ഥമാക്കി. ആദ്യ മൂന്ന് റാങ്കുകളും പെണ്‍കുട്ടികള്‍ക്കാണ്. ഇഷിതാ കിഷോറാണ് ഒന്നാം റാങ്ക് നേടിയത്. ഗെരിമാ ലോഹിയാ, ഉമാ ഹാരതി.എന്‍ എന്നിവര്‍ രണ്ടും മൂന്നും സ്ഥാനങ്ങള്‍ നേടി.
2022 വര്‍ഷത്തെ സിവില്‍ സര്‍വീസ് പരീക്ഷയില്‍ യോഗ്യത നേടിയ 933 പേരുടെ പട്ടികയാണ് പുറത്തുവന്നത്. ജനറല്‍ വിഭാഗത്തില്‍ 345 പേർ യോഗ്യത നേടി. ഇഡബ്യുഎസ്-99 ഒബിസി-263 എസ്‌സി- 154 എസ്ടി- 72 എന്നിങ്ങനെയാണ് യോഗ്യത നേടിയവരുടെ എണ്ണം.
rdfggdfdfg
