ഷവർമ പോലുള്ള ഭക്ഷണങ്ങൾ പാഴ്സൽ വാങ്ങുന്നത് കഴിവതും ഒഴിവാക്കുക: മന്ത്രി ജി ആർ അനിൽ
ഷവർമ പോലുള്ള ഭക്ഷണങ്ങൾ പാഴ്സൽ വാങ്ങുന്നതൊഴിവാക്കി കഴിവതും ഹോട്ടലിൽ പോയി കഴിക്കാൻ ശ്രദ്ധിക്കണമെന്ന് ഭക്ഷ്യ വകുപ്പ് മന്ത്രി ജി ആർ അനിൽ. ഭക്ഷ്യ വിഷബാധ വർധനവ് വളരെ ഗൗരവത്തോടെയാണ് സർക്കാർ എടുത്തിരിക്കുന്നത്. നിശ്ചിത സമയത്തിനുള്ളിൽ കഴിച്ചില്ലെങ്കിൽ കേടാവാൻ സാധ്യതയുള്ള ഭക്ഷണമാണ് ഷവർമ അടക്കമുള്ള ഉൽപന്നങ്ങൾ. ഇത്തരം ഭക്ഷണങ്ങൾ പാഴ്സൽ വാങ്ങുന്നത് കുറക്കേണ്ടതുണ്ടതുണ്ട്. വിഷയത്തിൽ കൂടുതൽ ബോധവൽക്കരണം ആളുകൾക്ക് നൽകേണ്ടത് ആവശ്യമാണെന്നും അദ്ദേഹം പറഞ്ഞു. വിഷയങ്ങളുമായി ബന്ധപ്പെട്ട കേസുകളിൽ നടപടി വേഗത്തിൽ പൂർത്തിയാക്കിയാൽ ഒരു പരിധി വരെ ഇത് പരിഹരിക്കാനാകുമെന്ന് മന്ത്രി കൂട്ടിച്ചേർത്തു.
ഹോട്ടൽ ഭക്ഷണം കഴിച്ച് ഭക്ഷ്യ വിഷ ബാധയേറ്റ സംഭവത്തിൽ പ്രതികരിക്കുകയായിരുന്നു അദ്ദേഹം. കഴിഞ്ഞ ദിവസം കാസർകോട് ഭക്ഷ്യവിഷബാധ മരണത്തിന് പിന്നാലെ സംസ്ഥാനത്ത് വ്യാപക പരിശോധനകൾ നടക്കുകയാണ്. സംസ്ഥാനത്ത് ഒരാഴ്ചക്കിടെ ഭക്ഷ്യവിഷബാധയേറ്റ് രണ്ട് മരണമാണ് റിപ്പോര്‍ട്ട് ചെയ്തത്. കാസര്‍കോട് പെരുമ്പള ബേനൂരിലെ അഞ്ജുശ്രീ പാര്‍വ്വതി എന്ന 19 വയസുകാരി ഇന്നലെയാണ് മരിച്ചത്. ഈ മാസം രണ്ടിനാണ് ഭക്ഷ്യവിഷബാധയേറ്റ കോട്ടയം മെഡിക്കല്‍ കോളജിലെ നഴ്‌സ് രശ്മി രാജ് മരിച്ചത്.
dfgdfg
