28 തദ്ദേശവാർഡുകളിൽ നാളെ ഉപതെരഞ്ഞെടുപ്പ്‌
സംസ്ഥാനത്തെ 28 തദ്ദേശവാർഡുകളിലേക്കുള്ള ഉപതെരഞ്ഞെടുപ്പ്‌ നാളെ നടക്കും. രാവിലെ ഏഴു മുതൽ വൈകുന്നേരം ആറു വരെയാണ്‌ വോട്ടെടുപ്പ്‌. വയനാട് ഒഴികെയുള്ള ജില്ലകളിലാണ് തെരഞ്ഞെടുപ്പ്. കാസർഗോഡ് മടിക്കൈ പഞ്ചായത്തിലെ കോളിക്കുന്ന്, ചീമേനി പഞ്ചായത്തിലെ പള്ളിപ്പാറ വാർഡുകളിൽ എൽഡിഎഫ്‌ സ്ഥാനാർഥികൾ എതിരില്ലാതെ വിജയിച്ചു. തിരുവനന്തപുരം കോർപറേഷനിലെ ശ്രീവരാഹം, കൊട്ടാരക്കര മുനിസിപ്പാലിറ്റിയിലെ കല്ലുവാതുക്കൽ, പത്തനംതിട്ട മുനിസിപ്പാലിറ്റിയിലെ കുമ്പഴ നോർത്ത്, മൂവാറ്റുപുഴ മുനിസിപ്പാലിറ്റിയിലെ ഈസ്റ്റ് ഹൈസ്കൂൾ. അഞ്ചൽ ബ്ലോക്ക് പഞ്ചായത്തിലെ അഞ്ചൽ, കൊട്ടാരക്കര ബ്ലോക്ക് പഞ്ചായത്തിലെ കൊട്ടറ ഡിവിഷനുകളിലേക്കും 22 പഞ്ചായത്ത്‌ വാർഡിലുമാണ്‌ തെരഞ്ഞെടുപ്പ് നടക്കുന്നത്.
adsasdadefsas
