വണ്ടിപ്പെരിയാര്‍ കേസ്; പ്രതി കട്ടപ്പന കോടതിയില്‍ ഹാജരായി
വണ്ടിപ്പെരിയാറിൽ ആറ് വയസുകാരിയെ പീഡിപ്പിച്ച് കൊലപ്പെടുത്തിയ കേസിലെ പ്രതി അര്‍ജുന്‍ വിചാരണക്കോടതിയില്‍ ഹാജരായി. ഹൈക്കോടതി നിര്‍ദേശപ്രകാരമാണ് പ്രതി കട്ടപ്പന പോക്‌സോ കോടതിയില്‍ ഹാജരായത്. കേസില്‍ കഴിഞ്ഞ ഡിസംബറിലാണ് കട്ടപ്പന കോടതി പ്രതിയെ കുറ്റവിമുക്തനാക്കിയത്. ഇതിനെതിരേ ശക്തമായ പ്രതിഷേധമുയര്‍ന്നിരുന്നു. പിന്നാലെ കുടുംബവും സര്‍ക്കാരും ഹൈക്കോടതിയില്‍ അപ്പീല്‍ നല്‍കി. അര്‍ജുന്‍ വിദേശത്തേക്ക് കടക്കാന്‍ സാധ്യതയുണ്ടെന്നും പ്രോസിക്യൂഷന്‍ കോടതിയെ അറിയിച്ചിരുന്നു. ഇതേ തുടര്‍ന്ന് ഹൈക്കോടതിയില്‍ ഹാജരായി വിദേശത്തേക്ക് പോകില്ലെന്ന് സത്യവാംഗ്മൂലം നല്‍കാന്‍ കോടതി നിര്‍ദേശം നല്‍കിയെങ്കിലും പ്രതി ഹാജരായിരുന്നില്ല. ഇതോടെ കഴിഞ്ഞ ദിവസം കേസ് പരിഗണിച്ചപ്പോള്‍ വിചാരണക്കോടതിയില്‍ ഹാജരായി 50000 രൂപയുടെയും രണ്ട് ആള്‍ ജാമ്യത്തിന്‍റെയും ബോണ്ട് നല്‍കാൻ ഹൈക്കോടതി നിർദേശിക്കുകയായിരുന്നു.
dsaadsfdfsa
