പുനരധിവാസപ്പട്ടിക: എൽപി സ്കൂളിലെ കുട്ടികൾ ഇതിനെക്കാൾ നല്ലതായി ചെയ്യുമായിരുന്നു: വി.ഡി.സതീശൻ
വയനാട് പുനരധിവാസത്തിൽ സർക്കാർ പരാജയമെന്ന് പ്രതിപക്ഷ നേതാവ് വി.ഡി.സതീശൻ. പുനരധിവാസത്തിനായി തയാറാക്കിയിരിക്കുന്ന പട്ടിക അബദ്ധപട്ടികയാണ്. ഈ ജോലി എൽപി സ്കൂളിലെ കുട്ടികളെ ഏൽപ്പിച്ചിരുന്നെങ്കിൽ ഇതിനെക്കാൾ നല്ലതായി ചെയ്യുമായിരുന്നുവെന്നും അദ്ദേഹം പറഞ്ഞു. ദുരിതബാധിതരുടെ പുനരധിവാസത്തിനായി നാലു മന്ത്രിമാരെയാണ് ചുമതലപ്പെടുത്തിയിരിക്കുന്നത്. അവർ ഇതുവരെ വയനാട് സന്ദർശിച്ചിട്ടില്ല. മുണ്ടക്കൈ - ചൂരൽമലയിലെ പുനരധിവാസം അടിയന്തരമായി നടപ്പിലാക്കണമെന്നും സതീശൻ ആവശ്യപ്പെട്ടു.
എഡിജിപി എം.ആർ.അജിത് കുമാറിനെതിരെയുള്ള അന്വേഷണം പ്രഹസനമായിരുന്നു. ആർഎസ്എസ് നേതാക്കളെ അജിത്കുമാർ കണ്ടത് മുഖ്യമന്ത്രിക്ക് വേണ്ടിയാണ്. പ്രിയങ്കാഗാന്ധി ജയിച്ചത് തീവ്രവാദികളുടെ വോട്ടുകൊണ്ടാണെന്ന് പറയാൻ വിജയരാഘവനേ കഴിയൂ. സംഘപരിവാർ അജണ്ട സിപിഎം കേരളത്തിൽ നടപ്പിലാക്കുകയാണ്. താൻ വിമർശനത്തിന് അതീതനല്ല. സമുദായ നേതാക്കൾക്ക് വിമർശിക്കാർ സ്വാതന്ത്ര്യമുണ്ട്. വിമർശനത്തിൽ കാര്യമുണ്ടോ എന്നു പരിശോധിക്കുമെന്നും വി.ഡി.സതീശൻ പറഞ്ഞു.
sddsdeswds
