ഓടിനടന്നിട്ട് ഒരു കാര്യവുമില്ല, ഷാഫിയെ ആദ്യം കുത്തുന്നത് രാഹുലായിരിക്കും: പദ്മജ
രാഹുൽ മാങ്കൂട്ടത്തിലിനെതിരേ രൂക്ഷവിമർശനവുമായി ബിജെപി നേതാവ് പദ്മജ വേണുഗോപാൽ. രാഹുലിന് വേണ്ടി ഷാഫി പറമ്പിൽ ഓടിനടന്നിട്ട് ഒരു കാര്യവുമില്ലെന്നും, ഷാഫിയെ ആദ്യം കുത്തുന്നത് രാഹുൽ തന്നെയായിരിക്കുമെന്നും പദ്മജ പറഞ്ഞു. തന്‍റെ അമ്മയെ അപമാനിച്ചതിൽ രാഹുൽ ഇതുവരെ മാപ്പുപറയാൻ തയാറായിട്ടില്ലെന്നും ഈ അഹങ്കാരിയായ ആളെയാണോ പാലക്കാട് എംഎൽഎയായി വേണ്ടതെന്നും പദ്മജ ചോദിച്ചു. സന്ദീപ് വാര്യരെ കോൺഗ്രസിലേക്ക് കൊണ്ടുവന്ന് ഷാഫി എന്ത് വൃത്തികേടാണ് ചെയ്തതെന്നും പദ്മജ പറഞ്ഞു. മുസ്‌ലിം ലീഗിനെയും നേതാക്കളെയുമടക്കം ചീത്ത വിളിച്ചയാളെയാണ് കോൺഗ്രസിലേക്ക് ഇപ്പോൾ കൊണ്ടുവന്നിരിക്കുന്നത്. ഒരു ദിവസം കൊണ്ട് എല്ലാം മറക്കാൻ കഴിഞ്ഞോ എന്നും പദ്മജ ചോദിച്ചു.
fxc
