വെള്ളിത്തിരയെ ഞെട്ടിക്കാൻ റിഷബ് ഷെട്ടി; ‘കാന്താര എ ലെജൻഡ്’ റിലീസ് ഡേറ്റ് പുറത്ത്
ലോകമെമ്പാടുമുള്ള സിനിമ പ്രേമികളുടെ പ്രശംസ നേടിയ കാന്താരയുടെ രണ്ടാം ഭാഗമായ കാന്താര എ ലെജൻഡ്’ റിലീസ് ഡേറ്റ് പുറത്ത്. റിഷബ് ഷെട്ടി തന്നെ തിരക്കഥ എഴുതി സംവിധാനം ചെയ്യുന്ന ചിത്രത്തിന്റെ റിലീസ് തീയതി പ്രഖ്യാപിച്ചുകൊണ്ടുള്ള അപ്‌ഡേറ്റ് വീഡിയോ ഹോംബാല ഫിലിംസ് അവരുടെ യൂട്യൂബിലൂടെ പുറത്തു വിട്ടു. കാന്താര എ ലെജന്‍ഡ്‌ ചാപ്റ്റര്‍ 1 2025 ഒക്ടോബര്‍ രണ്ടിന്‌ തീയറ്ററിലെത്തും. ചിത്രത്തിന്റെ ഫസ്റ്റ്‌ലുക്ക് ടീസറും വൻ ഹിറ്റായിരുന്നു.
റിഷബ് ഷെട്ടി തന്നെയാണ് ചിത്രത്തിൽ നായകനായി എത്തുന്നത്. ‘കാന്താര’ നിർമ്മിച്ച ഹോംബാലെ ഫിലിംസിന്റെ ബാനറിൽ വിജയ് കിരഗണ്ടൂർ ആണ് ഈ വമ്പൻ ബജറ്റ് ചിത്രം നിർമ്മിക്കുന്നത്. ഹോംബാലെ ഫിലിംസിന്റെ യൂട്യൂബ് ചാനലിൽ പുറത്തിറങ്ങിയ റിലീസ് ഡേറ്റ് വീഡിയോ ചുരുങ്ങിയ സമയത്തിനുള്ളിൽ ലക്ഷക്കണക്കിന് ആളുകളാണ് കണ്ടത്. ഇത് വെറും പ്രകാശമല്ല, ദര്‍ശനമാണ് എന്നാണ് ഹോംബാലെ ഫിലിംസ് പുറത്തുവിട്ട അനൗണ്‍സ്‌മെന്റ് വീഡിയോയിലുള്ളത്.
‘കാന്താര എ ലെജൻഡ്’ ഒരു പുതിയ അധ്യായത്തിന്റെ തുടക്കമാണ്. 2022ൽ പുറത്തിറങ്ങിയ ‘കാന്താര’യുടെ കഥയുമായി ബന്ധപ്പെട്ട് തന്നെയാണ് രണ്ടാം ഭാഗം ഒരുക്കിയിരിക്കുന്നത്. കാന്താര എ ലെജൻഡ്’ കന്നഡയ്ക്ക് പുറമെ ഹിന്ദി, തമിഴ്, തെലുഗു, മലയാളം, ബംഗാളി, ഇംഗ്ലീഷ് എന്നീ ഏഴു ഭാഷകളിൽ റിലീസ് ചെയ്യും. കാന്താരയുടെ നൂറുദിന ആഘോഷത്തിൽ വച്ച് തന്നെയാണ് ‘കാന്താര എ ലെജൻഡ്’ വരുമെന്ന് ടീം പ്രഖ്യാപിച്ചത്.
deswfsewdfrs
