സി.പി.ഐ ആവശ്യം തള്ളി മുഖ്യമന്ത്രി ; തീരുമാനം അന്വേഷണ റിപ്പോർട്ടിനുശേഷം
കടുത്ത സമ്മർദങ്ങൾക്കിടയിലും എ.ഡി.ജി.പി അജിത്കുമാറിനെ കൈവിടാതെ മുഖ്യമന്ത്രി. എ.ഡി.ജി.പിയെ തൽക്കാലം മാറ്റില്ല, അന്വേഷണ റിപ്പോർട്ട് ലഭിച്ചതിനുശേഷം മാത്രം തീരുമാനമെടുക്കുമെന്നാണ് മുഖ്യമന്ത്രി മാധ്യമപ്രവർത്തകരുടെ ചോദ്യത്തിന് മറുപടി നൽകിയത്. വിവാദങ്ങളുടെ പശ്ചാത്തലത്തിൽ ക്രമസമാധാനച്ചുമതലയിൽ നിന്ന് എ.ഡി.ജി.പി എം.ആർ. അജിത്കുമാറിനെ നീക്കാൻ സി.പി.ഐ അടക്കമുള്ളവർ ആവശ്യപ്പെട്ടിരുന്നു. സര്ക്കാര് ഇപ്പോള് ഉയര്ന്നുവന്ന പ്രശ്നത്തെ ഗൗരവതരമായി തന്നെയാണ് കാണുന്നത്. അജിത്ത് കുമാറിനെതിരെ ഉയര്ന്ന് വന്ന ആക്ഷേപങ്ങളെ പറ്റി അന്വേഷണം നടക്കുകയാണ്. അതിന്റെ റിപ്പോര്ട്ട് ലഭിക്കുന്ന മുറക്ക് യുക്തമായി തീരുമാനം കൈകൊള്ളും.
ഒരു തരത്തിലുള്ള രാഷ്ട്രീയ ചര്ച്ചകള്ക്കും ഒരു പൊലീസുദ്യോഗസ്ഥനെയും നിയോഗിക്കുന്ന പതിവ് തങ്ങള്ക്കില്ല. ഏതെങ്കിലും ഉദ്യോഗസ്ഥന് ഏതെങ്കിലും രാഷ്ട്രീയ നേതാവിനെയോ, സംഘടനാ നേതാവിനെയോ കണ്ടിട്ടുണ്ടെങ്കില്, അത് ഔദ്യോഗിക കൃത്യ നിര്വഹണത്തെ ബാധിക്കുന്ന തരത്തിലുള്ള കൂടിക്കാഴ്ചയാണെങ്കില് നിയമത്തിനും ചട്ടങ്ങള്ക്കും അനുസൃതമായ നടപടി ഉണ്ടാകും. അത് അന്വേഷണ റിപ്പോര്ട്ട് വന്ന ശേഷം ഉണ്ടാകേണ്ട തീരുമാനമാണെന്നും മുഖ്യമന്ത്രി കൂട്ടിച്ചേർത്തു.
eqaefwewfr