മലപ്പുറത്ത് നിപ ബാധിച്ച 14കാരൻ മരിച്ചു
മലപ്പുറത്ത് നിപ രോഗബാധിതനായ കുട്ടി മരിച്ചു. കോഴിക്കോട് മെഡിക്കല് കോളേജില് ഗുരുതരാവസ്ഥയില് ചികിത്സയിലായിരുന്നു. പാണ്ടിക്കാട് സ്വദേശിയായ 14കാരനാണ് മരിച്ചത്. സമ്പർക്കത്തിൽ ഏർപെട്ടവർ ആരോഗ്യ വകുപ്പിനെ ബന്ധപെടണമെന്ന് നേരത്തെ അധികൃതർ അറിയിച്ചിരുന്നു. സമ്പര്ക്കപ്പട്ടികയിലുള്ള 214 പേര് നിരീക്ഷണത്തിലാണ്. 60 പേര് ഹൈ റിസ്ക് വിഭാഗത്തിലാണുള്ളത്. 15 പേരുടെ സാമ്പിൾ കൂടി പരിശോധനക്ക് അയച്ചു. ആനക്കയം, പാണ്ടിക്കാട് ഗ്രാമപഞ്ചായത്തുകളില് നിയന്ത്രണങ്ങൾ ഏര്പ്പെടുത്തിയിട്ടുണ്ട്.
സമ്പര്ക്ക പട്ടികയിലെ രണ്ട് പേര്ക്ക് വൈറല് പനിയാണ്. 63 പേര് ഹൈ റിസ്ക്ക് കാറ്റഗറിയിലുണ്ട്. ഹൈറിസ്ക്ക് കാറ്റഗറിയില് ഉള്ളവരുടെ സാമ്പിളുകള് ശേഖരിക്കും. എന്ഐവി പൂനെയുടെ മൊബൈല് ലാബ് ഇവിടെ എത്തും. പാണ്ടിക്കാട്, ആനക്കയം പഞ്ചായത്തുകളില് മുഴുവന് വീടുകളിലും സര്വേ നടത്തും. സമ്പര്ക്കത്തിലുള്ളവര് ചികിത്സ തേടിയ ആശുപത്രികളിലെ സിസി ടി വി പരിശോധിക്കും. തൊട്ട് അടുത്തുള്ള പഞ്ചായത്തുകളില് ഫീവര് ക്ലിനിക്കുകള് സ്ഥാപിക്കും. മൃഗങ്ങളുടെ സാമ്പിളുകള് കൂടി ശേഖരിക്കുന്നുണ്ടെന്നും ഒരു തരത്തിലും ആശങ്ക വേണ്ട, ജാഗ്രത മതിയെന്നും വീണാ ജോര്ജ് പറഞ്ഞു.
qw