ഗവൺമെന്റ് ഓഫീസ് ജോലികൾക്ക് ഐ ഫോൺ ഉപയോഗിക്കരുതെന്ന് ചൈന

ആപ്പിളിന്റെ ഐഫോണുകളും മറ്റ് വിദേശ ബ്രാൻഡഡ് ഉപകരണങ്ങളും ജോലിക്ക് ഉപയോഗിക്കരുതെന്നും ഓഫീസിലേക്ക് കൊണ്ടുവരരുതെന്നും കേന്ദ്ര സർക്കാർ ഏജൻസികളിലെ ഉദ്യോഗസ്ഥരോട് ചൈന ഉത്തരവിട്ടതായി വാൾസ്ട്രീറ്റ് ജേണൽ (WSJ) റിപ്പോർട്ട്. കഴിഞ്ഞ ആഴ്‌ചകളിൽ മേലുദ്യോഗസ്ഥർ അവരുടെ ജീവനക്കാർക്ക് ഇതുമായി ബന്ധപ്പെട്ട ഉത്തരവുകൾ നൽകിയതായി വാൾസ്ട്രീറ്റ് ജേണൽ പറഞ്ഞു.

അടുത്തയാഴ്‌ച നടക്കാനിരിക്കുന്ന ആപ്പിൾ ഇവന്റിന് മുന്നോടിയായാണ് നിരോധനം. WSJ റിപ്പോർട്ടിൽ ആപ്പിൾ ഒഴികെയുള്ള മറ്റ് ഫോൺ നിർമ്മാതാക്കളുടെ പേര് നൽകിയിട്ടില്ല. ചൈനീസ് സർക്കാരിന് വേണ്ടി മാധ്യമങ്ങളുടെ ചോദ്യങ്ങൾ കൈകാര്യം ചെയ്യുന്ന ആപ്പിളിന്റെയും ചൈനയുടെയും സ്‌റ്റേറ്റ് കൗൺസിൽ ഇൻഫർമേഷൻ ഓഫീസ്, വിഷയത്തിൽ റോയിട്ടേഴ്‌സിന്റെ അഭ്യർത്ഥനകളോട് പ്രതികരിച്ചില്ല.

ചൈന സമീപ വർഷങ്ങളിൽ ഡാറ്റ സുരക്ഷയിൽ കൂടുതൽ ശ്രദ്ധ ചെലുത്തുകയും കമ്പനികൾക്കായി പുതിയ നിയമങ്ങൾ അവതരിപ്പിക്കുകയും ചെയ്‌തിട്ടുണ്ട്. മെയ് മാസത്തിൽ, അമേരിക്കയുമായുള്ള ഭിന്നതകൾക്കിടയിൽ, സാങ്കേതികവിദ്യയിൽ സ്വാശ്രയത്വം നേടാനുള്ള രാജ്യത്തിൻറെ ദൗത്യത്തിൽ പ്രധാന പങ്ക് വഹിക്കാൻ സർക്കാർ ഉടമസ്ഥതയിലുള്ള വൻകിട സംരംഭങ്ങളോട് (SOEs) ചൈന അഭ്യർത്ഥിച്ചിരുന്നു.

ചൈനയുടെ ചിപ്പ് വ്യവസായത്തെ മത്സരാധിഷ്ഠിതമായി നിലനിർത്തുന്നതിന് ആവശ്യമായ സുപ്രധാന ഉപകരണങ്ങളിലേക്കുള്ള പ്രവേശനം തടയാൻ സഖ്യകക്ഷികളുമായി വാഷിംഗ്ടൺ പ്രവർത്തിക്കുന്നതിനാൽ ചൈന−യുഎസ് ഭിന്നത വർധിക്കുകയാണ്. കൂടാതെ വിമാനനിർമ്മാതാക്കളായ ബോയിംഗും ചിപ്പ് കമ്പനിയായ മൈക്രോൺ ടെക്നോളജിയും ഉൾപ്പെടെയുള്ള പ്രമുഖ യുഎസ് സ്ഥാപനങ്ങളിൽ നിന്നുള്ള ഇറക്കുമതിയും ബീജിംഗ് നിയന്ത്രിക്കുന്നു.

ചൈനയുടെ ഏറ്റവും പുതിയ നിയന്ത്രണം ചൈനീസ് സ്‌മാർട്ട്‌ഫോൺ നിർമ്മാതാക്കളായ ഹുവാവേയ്‌ക്കും ബൈറ്റ്‌ഡാൻസിന്റെ ഉടമസ്ഥതയിലുള്ള ഹ്രസ്വ വീഡിയോ പ്ലാറ്റ്‌ഫോമായ ടിക് ടോക്കിനുമെതിരെ യുഎസിൽ നടന്ന സമാന നിരോധനങ്ങളെ പ്രതിഫലിപ്പിക്കുന്നു. ആപ്പിളിന്റെ ഏറ്റവും വലിയ വിപണികളിലൊന്നായ ചൈന അതിന്റെ വരുമാനത്തിന്റെ അഞ്ചിലൊന്ന് ഉണ്ടാക്കുന്ന ഇടമാണ്.