അഫ്ഗാനിസ്ഥാനിൽ ആറ് ഇസ്ലാമിക് സ്റ്റേറ്റ് ഭീകരരെ താലിബാൻ കൊലപ്പെടുത്തി
അഫ്ഗാനിസ്ഥാനിൽ ആറ് ഇസ്ലാമിക് സ്റ്റേറ്റ് ഭീകരരെ താലിബാൻ ഭരണകൂടം കൊലപ്പെടുത്തി. കാബൂളിലെ ഒളിസങ്കേതത്തിൽ ശനിയാഴ്ച രാത്രി നടത്തിയ മിന്നലാക്രമണത്തിലാണ് ഭീകരർ കൊല്ലപ്പെട്ടത്. സെപ്റ്റംബറിൽ കാബൂളിലെ കാജ് പഠനകേന്ദ്രത്തിലും വാസിർ അക്ബർ ഖാൻ മോസ്കിലും സ്ഫോടനം നടത്തി ജനങ്ങളെ കൊലപ്പെടുത്തിയവരെയാണ് വധിച്ചതെന്ന് താലിബാൻ അറിയിച്ചു. നീക്കത്തിനിടെ ഒരു താലിബാൻ സൈനികൻ കൊല്ലപ്പെട്ടതായും ഭരണകൂടം അറിയിച്ചു.
2014 മുതൽ ഇസ്ലാമിക് സ്റ്റേറ്റ് ഓഫ് ഖൊറസാൻ പ്രൊവിൻസ് എന്ന പേരിൽ അഫ്ഗാനിൽ പ്രവർത്തിക്കുന്ന ഐഎസ് താലിബാന്‍റെ മുഖ്യശത്രുവാണ്. തീവ്രനിലപാടുള്ള രണ്ട് സംഘടനകളും രാജ്യത്ത് നിന്നുള്ള അമേരിക്കൻ സേനാ പിന്മാറ്റത്തിന് മുന്പ് പ്രദേശത്തെ ഭരണം കൈവശപ്പെടുത്താൻ പരസ്പരം പോരടിച്ചിരുന്നവരാണ്.
dfutfu
