നികുതിവെട്ടിപ്പ്‌ കേസിൽ കുറ്റസമ്മതം നടത്തി ഹണ്ടർ ബൈഡൻ
വാഷിങ്‌ടൺ: നികുതിവെട്ടിപ്പ്‌ കേസിൽ ലൊസ്‌ ആഞ്ചലസ്‌ കോടതിയിൽ കുറ്റസമ്മതം നടത്തി യുഎസ്‌ പ്രസിഡന്റ്‌ ജോ ബൈഡന്റെ മകൻ ഹണ്ടർ ബൈഡൻ. വിദേശ ബിസിനസ്‌ ഇടപാടുകളിൽ 14 ലക്ഷം ഡോളർ (11,75,31,260 രൂപ) നികുതിയടച്ചില്ലെന്ന കേസിലാണ്‌ ഹണ്ടർ കുറ്റസമ്മതം നടത്തിയത്. നിയമവിരുദ്ധമായി തോക്ക്‌ കൈവശം വച്ചതിന്‌ ജൂണിൽ ഹണ്ടറിനെ കുറ്റക്കാരനായി കണ്ടെത്തിയിരുന്നു. ഈ കേസിൽ ശിക്ഷാവിധിക്ക്‌ കാത്തിരിക്കെയാണ്‌ 17 വർഷംവരെ ശിക്ഷലഭിക്കാവുന്ന കേസിൽ കുറ്റസമ്മതം.
പ്രസിഡന്റിന്റെ അധികാരം ഉപയോഗിച്ച്‌ മകനെ ശിക്ഷയിൽ നിന്നും ഒഴിവാക്കാന്‍ ശ്രമിക്കില്ലെന്ന് ജോ ബൈഡൻ ആദ്യ കേസിന്റെ വിധിവന്നപ്പോൾ നിലപാട് എടുത്തിരുന്നു. യുഎസ്‌ പ്രസിഡന്റ്‌ തെരഞ്ഞെടുപ്പ്‌ അടുത്ത സാഹചര്യത്തിൽ വിചാരണ വേഗം അവസാനിക്കുവാനാണ്‌ ഹണ്ടർ കുറ്റസമ്മതം നടത്തിയതെന്നാണ് സൂചന.
asfasf
