650 കോടിയുടെ അത്യാഡംബര ജെറ്റ് സ്വന്തമാക്കി പ്രമുഖ വ്യവസായി രവി പിള്ള
650 കോടിയുടെ അത്യാഡംബര ജെറ്റ് സ്വന്തമാക്കി പ്രവാസി വ്യവസായിയും ആർപി ഗ്രൂപ്പ് ചെയർമാനുമായ ഡോ.ബി രവിപിള്ള. അമേരിക്കയിലെ വെർജീനിയ ആസ്ഥാനമായുള്ള ജനറൽ ഡൈനാമിക്സിന്റെ ഉടമസ്ഥതയിലുള്ള ഗള്‍ഫ് സ്ട്രീം എയ്റോസ്പെയ്സാണ് വിമാനത്തിന്റെ നിർമാതാക്കൾ. ഏകദേശം 650 കോടി രൂപയാണ് വിമാനത്തിന്റെ വില. കഴിഞ്ഞദിവസം വിമാനം ഇറ്റലിയിൽ എത്തിച്ചു.
T7 Ravi എന്ന ഇരട്ട എൻജിൻ ജെറ്റ് വിമാനത്തിൽ 16 പേർക്ക് സഞ്ചരിക്കാമെങ്കിലും സൗകര്യാർഥം സീറ്റെണ്ണം 13 ആക്കിയിട്ടുണ്ട്. പ്രാറ്റ് ആൻഡ് വിറ്റ്നിയുടെ 815 ജിഎ എന്ന എൻജിനാണ് ഈ ജെറ്റിൽ ഉപയോഗിക്കുന്നത്. പരമാവധി 51000 അടി ഉയരത്തിൽ വരെ പറക്കാവുന്ന വിമാനത്തിന് മണിക്കൂറിൽ 925 കി.മീ വരെ വേഗം കൈവരിക്കാനാകും. ലോകത്തിലെ ഏറ്റവും വേഗമുള്ള ലോങ് റേഞ്ച് പ്രൈവറ്റ് ജെറ്റാണ് ഇത് എന്നാണ് ഗള്‍ഫ് സ്ട്രീം അവകാശപ്പെടുന്നത്. 15680 എൽബിഎസ് ത്രസ്റ്റ് നൽകും ഓരോ എൻജിനും. പറന്നുയരാൻ 5700 അടി റൺവേയും ലാൻഡ് ചെയ്യാൻ 3100 അടി റൺവേയും വേണം. 51000 അടി ഉയരത്തിൽ വരെ പറക്കാനാകും. 94600 എൽബിഎസ് ഭാരം വരെ വച്ചുകൊണ്ട് പറന്നുയരാനും 76800 എൽബിഎസ് ഭാരം വരെ വഹിച്ചു കൊണ്ട് ലാൻഡ് ചെയ്യാനും വിമാനത്തിന് സാധിക്കും.
ഒറ്റപ്പറക്കലിന് 12200 കി.മീറ്റർ ദൂരം വരെ പോകാം. 96.1 അടി നീളവും ഒരു ചിറക് മുതൽ മറ്റേ ചിറകിന്റെ അറ്റം വരെ 94.2 അടി വീതിയുമുണ്ട്. വാലിന് 25.3 അടിയാണ് ഉയരം. അതിൽ ആർപി എന്ന് മുദ്രണം ചെയ്തിട്ടുണ്ട്. വിമാനത്തിനുള്ളിൽ വിശാലമായ അടുക്കളയും ഭക്ഷണമുറിയും ഉണ്ട്. കോൺഫറൻസ് നടത്താനുള്ള സൗകര്യവുമുണ്ട്. വിമാനത്തിലിരുന്ന് ലോകത്ത് എവിടെയും വിഡിയോ കോൺഫറൻസ് ഉൾപ്പെടെ നടത്താൻ സാധിക്കും. ബിസിനസ്, പ്രൈവറ്റ് ജെറ്റ് ഫ്ലൈറ്റുകളിൽ ഏറ്റവും നിശബ്ദമായ ക്യാബിനാണ് ഈ വിമാനത്തിന് എന്നാണ് കമ്പനി അവകാശപ്പെടുന്നത്. ആഡംബരത്തിൽ മാത്രമല്ല, സുരക്ഷയിലും ഈ വിമാനം മുന്നിലാണ്.
adefsdfsadfs
