യുട്യൂബ് മുന്‍ സിഇഒ സൂസന്‍ വോജിസ്‌കി അന്തരിച്ചു
കലിഫോർണിയ: വീഡിയോ ഷെയറിംഗ് പ്ലാറ്റ്ഫോമായ യുട്യൂബ് മുന്‍ സിഇഒയും ഗൂഗിളിന്‍റെ ആദ്യ ജീവനക്കാരിയുമായിരുന്ന സൂസന്‍ വോജിസ്‌കി അന്തരിച്ചു. 56 വയസ്സായിരുന്നു. കലിഫോർണിയയ്ക്കടുത്ത സാന്താ ക്ലാര സ്വദേശിനിയാണ്. ശ്വാസകോശ അര്‍ബുദം ബാധിച്ച് രണ്ടു വര്‍ഷമായി ചികിത്സയിലായിരുന്നു. സൂസന്‍റെ ഭര്‍ത്താവ് ഡെന്നിസ് ട്രോപ്പറാണ് ഫേസ്ബുക്കിലൂടെ മരണവിവരം പുറത്തുവിട്ടത്.
പരസ്യത്തിന്‍റെയും മാർക്കറ്റിംഗിന്‍റെയും ചുമതല വഹിച്ചിരുന്ന സൂസൻ ഗൂഗിൾ വൈസ് പ്രസിഡന്‍റുമായിരുന്നു സൂസൻ വോജ്‌സിക്കി. 20 വർഷത്തിലേറെയായി അവർ ടെക് വ്യവസായത്തിൽ പ്രവർത്തിച്ചു. സൂസൻ വോജിസ്‌കി ഗൂഗിളിന്‍റെ ചരിത്രത്തിലെ സുപ്രധാന വ്യക്തികളില്‍ ഒരാളായിരുന്നുവെന്നും മികച്ച വ്യക്തിയും നേതാവും സുഹൃത്തുമായിരുന്നുവെന്നും ഗൂഗിള്‍ മേധാവി സുന്ദര്‍ പിച്ചൈ എക്‌സില്‍ പങ്കുവച്ച പോസ്റ്റില്‍ പറഞ്ഞു.
dfgdfg
