ചെറിയ പെരുന്നാൾ; ആഘോഷ പരിപാടികൾ ഒരുക്കാൻ ബഹ്റൈൻ ടൂറിസം മന്ത്രാലയം
ബഹ്റൈൻ ടൂറിസം മന്ത്രാലയത്തിന്റെ ആഭിമുഖ്യത്തിൽ ചെറിയ പെരുന്നാൾ വേളയിൽ പൊതുജനങ്ങൾക്കും സന്ദർശകർക്കുമായി വ്യത്യസ്ത ആഘോഷ പരിപാടികൾ ഒരുക്കമെന്ന് അധികൃതർ അറിയിച്ചു. ഇതിന്റെ ഭാഗമായി മനാമയിലെ കൾചറൽ ഹാളിലും ബുസൈതീനിലെ മുഹറഖ് മോഡൽ യൂത്ത് സെന്റർ തിയറ്ററിലും ഈദുൽ ഫിത്റിന്റെ ആദ്യദിനം മുതൽ കോമഡി ഷോ, നാടകങ്ങൾ ഉൾപ്പെടെ വൈവിധ്യമാർന്ന കലാപരിപാടികൾ അരങ്ങേറും. റീട്ടെയിൽ സെന്ററുകളിൽ വ്യത്യസ്ത പരിപാടികളും, സംഗീതം, ലൈറ്റ് ആന്റ് സൗണ്ട് ഷോകൾ തുടങ്ങിയവും സംഘടിപ്പിക്കുന്നുണ്ട്.
ഈദ് ആഘോഷങ്ങളുടെ തുടർച്ചായി മെയ് മാസം വരെ അൽ ദാന ആംഫി തിയറ്ററിൽ നിരവധി തത്സമയ സംഗീതപരിപാടികൾ നടക്കും. ഇതിലൂടെ ലോക പ്രശസ്തരായ മുഹമ്മദ് അബ്ദു, ഖാലിദ് അൽ ശൈഖ്, അംർ ദിയാബ്, മെട്രോ ബൂമിൻ തുടങ്ങിയവർ ഉൾപ്പെടെ നിരവധി പ്രഗത്ഭരുടെ പരിപാടികൾ ആസ്വദിക്കാനുള്ള അവസരമാണ് ഒരുങ്ങുന്നത്. കൂടുതൽ വിവരങ്ങൾക്ക്, calendar.bh എന്ന വെബ്സൈറ്റാണ് സന്ദർശിക്കേണ്ടത്.
asd
