കോഴിക്കോട് ജില്ലാ പ്രവാസി ഫോറം വനിതാ വിഭാഗം ഹെയർ ഡൊണേഷൻ ക്യാമ്പ് നടത്തി
കോഴിക്കോട് ജില്ലാ പ്രവാസി ഫോറം വനിതാ വിഭാഗത്തിന്റെ ആഭിമുഖ്യത്തിൽ മനാമ ഷിഫ അൽജസീറ മെഡിക്കൽ സെന്ററിൽ വെച്ച് ലോകവനിതാ ദിനത്തിന്റെ ഭാഗമായി ഹെയർ ഡൊണേഷൻ ക്യാമ്പ് നടത്തി. അഞ്ച് ദിവസം കൊണ്ട് നടത്തിയ പരിപാടിയിൽ 26 പേരുടെ 21 സെന്റീമീറ്റർ നീളത്തിലുള്ള തലമുടിയാണ് കാൻസർ രോഗികൾക്ക് വിഗ് ഉണ്ടാക്കുവാനായി കെപിഎഫ് വനിതാ വിഭാഗം സമാഹരിച്ചത്. പ്രമുഖ സാമൂഹിക പ്രവർത്തകയായ ഡോ: മറിയം ഫിദ ഉദ്ഘാടനം ചെയ്ത ക്യാമ്പിൽ മുഖ്യാതിഥി ക്യാൻസർ അതിജീവിതയും പൊതുപ്രവവർത്തകയുമായ ഹുസ്നിയ കരീമിയും പങ്കെടുത്തു.
കെ.പി.എഫ് പ്രസിഡണ്ട് ജമാൽ കുറ്റിക്കാട്ടിലിന്റെ അധ്യക്ഷതയിൽ നടന്ന യോഗത്തിന് ജനറൽ സെക്രട്ടറി ഹരിഷ്.പി.കെസ്വാഗതവും, ട്രഷറർ ഷാജി പുതുക്കുടി ആശംസകളും അറിയിച്ചു. ലേഡീസ് വിംഗ് കൺവീനർ രമാസന്തോഷ്, കാൻസർ കെയർ ഗ്രൂപ്പ് ജനറൽ സെക്രട്ടറിയും കെപിഎഫ് രക്ഷാധികാരിയുമായ കെ.ടി സലീം എന്നിവർ ഹെയർഡൊണേഷന്റെ പ്രാധാന്യത്തെ പറ്റി സംസാരിച്ചു. സംഗീത റോഷിൽ നന്ദി രേഖപ്പെടുത്തിയ ചടങ്ങ് ബബീന സുനിൽ നിയന്ത്രിച്ചു. സമാഹരിച്ച തലമുടികൾ ബഹ്‌റൈൻ കാൻസർ സൊസൈറ്റിക്ക് കൈമാറി.
േ്ിേ്
