ബി.കെ.എസ്.എഫ് റമദാൻ കിറ്റ് 2024 അർഹതപ്പെട്ടവർക്ക് നൽകും
ബഹ്റൈൻ സമൂഹത്തിനിടയിൽ സ്വദേശി വിദേശികൾക്കിടയിൽ ഭക്ഷണത്തിന് ബുദ്ധിമുട്ട് അനുഭവിക്കുന്ന തികച്ചും അർഹതപ്പെട്ടവർക്ക് നൽകാനുള്ള ഭക്ഷണ കിറ്റുകൾ വർഷങ്ങളായി റമദാൻ മാസത്തിൽ വിതരണം നടത്തുന്നതിന്റെ ഭാഗമായി ബി.കെ.എസ്.എഫ് റമദാൻ കിറ്റ് 2024 എന്ന പേരിൽ ബഹ്റൈൻ കേരള സോഷ്യൽ ഫോറം സേവന കൂട്ടായ്മ സേവന സന്നദ്ധർ ബഹ്റൈന്റെ വിവിധ ഭാഗങ്ങളിൽ തുടക്കം കുറിച്ചു.
കോവിഡ് കാലഘട്ടത്തിൽ തുടക്കം കുറിച്ച പദ്ധതി സ്വദേശി വിദേശികൾക്കിടയിൽ ഏറെ പ്രശംസിക്കപ്പെടുകയും ആയിരക്കണക്കിന് നിർധരർക്ക് ആശ്വാസമാവുകയും ചെയ്തിട്ടുണ്ട്. ആദ്യകിറ്റ് ഒരു ബംഗ്ലാദേശ് പൗരന് കൈമാറിയ വിതരണോൽഘാടന ചടങ്ങിൽ ബികെഎസ്എഫ് സേവന ടീം അംഗങ്ങളായ ബഷീർ അമ്പലായി, നജീബ് കടലായി, അൻവർ കണ്ണൂർ, മണിക്കുട്ടൻ, ലത്തീഫ് മരക്കാട്ട്, മനോജ് വടകര, കാസിം പാടത്തകായിൽ, സലീം മമ്പ്ര, നജീബ് കണ്ണൂർ എന്നിവർ പങ്കെടുത്തു.
erew
