ബഹ്റൈനിലെ വിശ്വകല സാംസ്‌കാരിക വേദി ഇരുപതാം വാർഷികം ആഘോഷിച്ചു
ബഹ്റൈനിലെ വിശ്വകല സാംസ്‌കാരിക വേദി ഇരുപതാം വാർഷികാഘോഷം വൈബ് ഫെസ്റ്റ് 2024 എന്ന പേരിൽ വിപുലമായി ആഘോഷിച്ചു. സൽമാബാദ് ഗൾഫ് എയർ ക്ലബ്ബിൽ വെച്ച് നടന്ന പരിപാടിയിൽ വിശ്വകല സാംസ്‌കാരിക വേദി പ്രസിഡന്റ്‌ സുരേഷ് സി.എസ് അധ്യക്ഷത വഹിച്ചു. ഇന്ത്യൻ സ്ഥാനപതി വിനോദ് കെ ജേക്കബ് ഉദ്ഘാടനം ചെയ്ത പൊതുസമ്മേളനത്തിൽ ബഹ്റൈൻ പാർലിമെന്റംഗംങ്ങളായ ബാസ്മ മുബാറക്ക്, ഡോ മറിയം അൽ ദായിൻ, തായ് എംബസി ഉപദേഷ്ടാവ് നാട്ടുപാട്ട് ചുംനി ജരാകിജ്, ലെഫ്റ്റനന്റ് കേണൽ യൂസഫ് ജെറ അൽ ദോസ്റി, ഡോ യൂസഫ് ബെഹ്സാദ്, മഹേഷ് ദേവ്ജി, ഐസിആർഎഫ് ചെയർമാൻ ഡോ ബാബു രാമചന്ദ്രൻ എന്നിവർ അഥിതികളായി പങ്കെടുത്തു.
ചടങ്ങിൽ റഹിം കരുനാഗപ്പള്ളി, സുബിൻ ഉണ്ണികൃഷ്ണൻ എന്നിവർക്ക് ബിസിനസ് എക്സലൻസ് അവാർഡുകൾ നൽകി ആദരിച്ചു. പ്രശസ്ത നർത്തകിയും അഭിനേത്രിയുമായ ലക്ഷ്മി ഗോപാലസ്വാമിയുടെ നൃത്തം, സിനിമാ പിന്നണി ഗായകരായ കണ്ണൂർ ഷറീഫ്, സുമി അരവിന്ദ്, നാടൻ പാട്ട് കലാകാരൻ സുരേഷ് പള്ളിപ്പാറ എന്നിവരുടെ ഗാനങ്ങൾ, വിശ്വകല സാംസ്കാരികവേദിയുടെ പ്രവർത്തകർ അവതരിപ്പിച്ച കലാപരിപാടികൾ എന്നിവയും അരങ്ങേറി. ഓർഗനൈസിങ്ങ് കമ്മിറ്റി വൈസ് ചെയർമാൻ സതീഷ് മുതലയിൽ സ്വാഗതവും, പ്രോഗ്രാം ജനറൽ കൺവീനർ രാജൻ എംഎസ് നന്ദിയും രേഖപ്പെടുത്തി.
asdfsdf
asdasd
asdasd
asdasd
awasf
