ശ്രദ്ധേയമായി കെസിഎ സർഗോത്സവ് -2023 ഗ്രാൻഡ് ഫിനാലെ
കെ സി എ സർഗോത്സവ് -2023 ഗ്രാൻഡ് ഫിനാലെ സഗയയിലെ കെസിഎ ആസ്ഥാനത്ത് വെച്ച് നടന്നു. ഇന്ത്യൻ ലേഡീസ് അസോസിയേഷൻ പ്രസിഡന്റ് ശാരദ അജിത് വിശിഷ്ടാതിഥി ആയി പങ്കെടുത്തു. എട്ടു മാസത്തോളം നീണ്ടു നിന്ന മത്സരങ്ങളിൽ കെ സി എ അംഗങ്ങൾ നാലു ടീമുകളായി പങ്കെടുത്തു. മത്സരയിനങ്ങളിൽ ഏറ്റവും കൂടുതൽ പോയിന്റ് നേടിയ ടോപ്പാസ് വാരിയർസ് വിജയികളായി. എമറാൾഡ് ഹീറോസ് ടീം ഫസ്റ്റ് റണ്ണർ അപ്പ് ആയും തെരഞ്ഞെടുക്കപ്പെട്ടു. സഫയർ കിങ്സ് , റൂബി സ്റ്റാർസ് എന്നീ ടീമുകൾ മൂന്നു നാലും സ്ഥാനത്തിന് അർഹരായി.
കാതറീൻ മരിയം ജിയോ ,സ്റ്റീവ എലീന ഐസാക്ക് ,അഡ്രിൻ ജിജോ എന്നിവർ യഥാക്രമം ഗ്രൂപ്പ് 1, ഗ്രൂപ്പ് 2, ഗ്രൂപ് 3 ചാമ്പ്യന്മാരായി. സിബിൻ ചാക്കോ, പ്രെറ്റി റോയ് എന്നിവർ ജന്റ്സ് , ലേഡീസ് വിഭാഗം ചാമ്പ്യന്മാരായി. പീറ്റർ തോമസ് ഖേൽ രത്ന അവാർഡിന് അർഹനായി. വിനു ക്രിസ്ടി, പ്രെറ്റി റോയ് എന്നിവർ സർഗോത്സവ് സ്റ്റാർ അവാർഡ് ജേതാക്കളായി.മോസ്റ്റ് ഇൻസ്പെയറിങ് ഫാമിലി അവാർഡ് ജോഷി വിതയത്തിൽ കരസ്ഥമാക്കി. ജനറൽ സെക്രട്ടറി വിനു ക്രിസ്റ്റി സ്വാഗതം പറഞ്ഞ പരിപാടിയിൽ പ്രസിഡന്റ് നിത്യൻ തോമസ് അദ്ധ്യക്ഷത വഹിച്ചു. സർഗോത്സവ് ചെയർമാൻ ലിയോ ജോസഫ്, വൈസ് ചെയർമാൻ റോയ് സി ആന്റണി, ലേഡീസ് വിങ് പ്രസിഡന്റ് സിമി ലിയോ എന്നിവർ വിജയികൾക്ക് ആശംസകൾ നേർന്നു സംസാരിച്ചു .സ്പോർട്സ് സെക്രട്ടറി വിനോദ് ഡാനിയേൽ നന്ദി പറഞ്ഞു. പരിപാടിയോടനുബന്ധിച്ച് നടന്ന കെ സി എ ലേഡീസ് വിങ് അണിയിച്ചൊരുക്കിയ ദാണ്ഡിയാ നൃത്തം ശ്രദ്ധേയമായി.
ോ്േിി