വേൾഡ് മലയാളി ഫെഡറേഷൻ ബഹ്‌റൈൻ നാഷണൽ കൗൺസിൽ ഓണാഘോഷം സംഘടിപ്പിച്ചു
വേൾഡ് മലയാളി ഫെഡറേഷൻ ബഹ്‌റൈൻ നാഷണൽ കൗൺസിലിന്റെ 2023 ഓണാഘോഷം “പൊന്നോണസംഗമം “ഒക്ടോബർ 20ന് ഇന്ത്യൻ ഡിലൈറ്റ് ഹോട്ടലിൽ വിപുലമായ പരിപാടികളോടെ നടത്തി. പ്രസിഡന്റ്‌ കോശി സാമൂവൽ അധ്യക്ഷത വഹിച്ച ചടങ്ങിൽ ബഹ്‌റൈൻ സീനിയർ പാർലമെന്റ് അംഗം Dr. ഹസ്സൻ ഈദ് ബുഖമാസ് മുഖ്യ അഥിതി ആയിരുന്നു. ഡബ്ല്യുഎംഎഫ് സൗദി നാഷണൽ ട്രെഷറർ പ്രമുഖ വ്യവസായിയും ചാന്ദ്നി ജ്വല്ലേഴ്‌സ് എംഡി വർഗീസ് പെരുമ്പാവൂർ വീശിഷട അഥിതി ആയിരുന്നു, കൂടാതെ പ്രമുഖ മാധ്യമ പ്രവർത്തകൻ ശ്രീ. സോമൻ ബേബി മറ്റ്‌ സാമൂഹ്യ സാംസ്‌കാരിക പ്രമുഖരും സന്നിഹിതരായിരുന്നു.
ഡബ്ല്യുഎംഎഫ്ബഹ്‌റൈൻ നാഷണൽ കൌൺസിൽ കോർഡിനേറ്റർ മുഹമ്മദ്‌ സാലി സ്വാഗതംപ്രസംഗം നടത്തുകയും, പ്രസിഡന്റ്‌ കോശി സാമുവേൽ അധ്യക്ഷ പ്രസംഗവും ചെയ്ത ശേഷം മുഖ്യ അതിഥി ഭദ്രദീപം തെളിയിച്ച് പരിപാടി ഉദ്ഘാടനം ചെയ്തു.
ഡബ്ല്യുഎംഎഫ് ബഹ്‌റൈൻ മുൻ കോർഡിനേറ്റർ ലിമിനേഷ് അഗസ്റ്റിൻ പൈലറ്റ് ലൈസൻസ് നേടിയതിനുള്ള ആദര സൂചകമായി അദ്ദേഹത്തെ മുഖ്യ അഥിതി മെമെന്റോ നൽകി ആദരിച്ചു. ഡബ്ല്യുഎംഎഫ് ബഹ്‌റൈൻ വൈസ് പ്രസിഡന്റ്‌ ഷബാന ഫൈസൽ ചടങ്ങിൽ സംബന്ധിച്ച എല്ലാവർക്കും നന്ദി രേഖപ്പെടുത്തി. തുടർന്ന് ഡബ്ല്യുഎംഎഫ് ഇവന്റ് കോർഡിനേറ്റർ ശ്രീജിത്ത്‌ ഫറോക്, ഡബ്ല്യുഎംഎഫ് വനിതാ വിഭാഗം കോർഡിനേറ്റർ മിനി മാത്യു എന്നിവരുടെ നേതൃത്വത്തിൽ വിവിധ കലാപരിപാടികളും ഓണക്കളികളും വേദിയിൽ അരങ്ങേറി. വിഭവസമൃദ്ധമായ സദ്യയും ഒരുക്കിയിരുന്നു. മിന്നൽ ബീറ്റ്സ് അവതരിപ്പിച്ച ഗാനമേള, തിരുവാതിര, ഓണപ്പുടവ മത്സരം മറ്റ്‌ എണ്ണമറ്റ കലാരൂപങ്ങൾക്ക് പുറമെ ഡബ്ല്യുഎംഎഫ ബഹ്‌റൈൻ മെംബേർസ് പങ്കെടുത്ത വിവിധയിനം പരിപാടികൾ അരങ്ങേറി. മത്സരങ്ങളിൽ വിജയിച്ചർക്ക് എക്സിക്യൂട്ടീവ് അംഗങ്ങൾ സമ്മാനദാനം നടത്തുകയും ചെയ്തു.
esfrsf
