എൽ.എം.ആർ.എ സി.ഇ.ഒ ഇന്ത്യൻ അംബാസഡർ വിനോദ് കെ. ജേക്കബിനെ സ്വീകരിച്ചു
ലേബർ മാർക്കറ്റ് റെഗുലേറ്ററി അതോറിറ്റി (എൽ.എം.ആർ.എ) ചീഫ് എക്‌സിക്യൂട്ടിവ് ഓഫിസറും മനുഷ്യക്കടത്ത് തടയുന്നതിനുള്ള ദേശീയ സമിതി ചെയർപേഴ്‌സനുമായ നിബ്രാസ് താലിബ്, ഇന്ത്യൻ അംബാസഡർ വിനോദ് കെ. ജേക്കബിനെ സ്വീകരിച്ചു. അംബാസഡറെ സ്വാഗതം ചെയ്ത എൽ.എം.ആർ.എ സി.ഇ.ഒ ബഹ്‌റൈനിലെ ചുമതലകളിൽ വിജയം ആശംസിച്ചു.
ഇന്ത്യയുമായി വിവിധ മേഖലകളിൽ സഹകരണവും ഏകോപനവും വർധിപ്പിക്കുന്നതിനുള്ള രാജ്യത്തിന്റെ പ്രതിബദ്ധത എൽ.എം.ആർ.എ സി.ഇ.ഒ ഊന്നിപ്പറഞ്ഞു. പ്രവാസി തൊഴിലാളികൾക്കിടയിൽ അവരുടെ അവകാശങ്ങളെയും കടമകളെയും കുറിച്ചും പാലിക്കേണ്ട ചട്ടങ്ങളെയും നിയമങ്ങളെയും കുറിച്ച് അവബോധം വളർത്തുന്നതിൽ യോജിച്ചു പ്രവർത്തിക്കേണ്ടതിന്റെ ആവശ്യകത സംബന്ധിച്ചും അദ്ദേഹം വ്യക്തമാക്കി.
്ംെമ
