ഐവൈസിസി പത്താം വാർഷികം വുപുലമായി ആഘോഷിച്ചു
ആത്മാഭിമാനത്തിന്റെ പത്തു വർഷങ്ങൾ എന്ന ആപ്തവാക്യത്തിൽ ഐ വൈ സി സി ബഹ്‌റൈൻ പത്താമത് വാർഷിക ആഘോഷം പ്രൌഢഗംഭീരമായി ആഘോഷിച്ചു. ഇന്ത്യൻ ക്ലബിൽ നടന്ന ചടങ്ങ് യൂത്ത് കോൺഗ്രസ്സ് മുൻ സംസ്ഥാന പ്രസിഡന്റ് അഡ്വ. ഡീൻ കുര്യാകോസ് എംപി ഉദ്ഘാടനം ചെയ്തു. ഐവൈസിസിയുടെ പ്രവർത്തനം മാതൃകാപരമാ ണെന്നും എല്ലാ പ്രതിബന്ധങ്ങളെയും നന്മ നിറഞ്ഞ നിസ്വാർത്ഥ പ്രവർത്തനം കൊണ്ട് അതിജീവിച്ച് 10 വർഷം പൂർത്തിയാക്കിയത് തന്നെ അംഗങ്ങളുടെ പ്രവർത്തന മികവ് കൊണ്ടാണെന്നും ഉദ്‌ഘാടന പ്രസംഗത്തിൽ അദ്ദേഹം പറഞ്ഞു. പ്രസിഡന്റ് ഫാസിൽ വട്ടോളി അധ്യക്ഷൻ ആയ ചടങ്ങിൽ കെപിസിസി സെക്രട്ടറി അഡ്വ. ബി ആർ എം ഷബീർ മുഖ്യ പ്രഭാഷണം നടത്തി. സംഘടനയുടെ 10 വർഷത്തെ ചരിത്രം ഉൾക്കൊള്ളിച്ച ലഘുചിത്രം സദസ്സിൽ പ്രദർശിപ്പിച്ചു.
സ്ഥാപക നേതാക്കളെയും നാളിതുവരെ സംഘടനയെ നയിച്ച ഭാരവാഹികളെയും ചടങ്ങിൽ ആദരിച്ചു. വർണ്ണാഭമായ കലാ പരിപാടികളുടെ അകമ്പടിയോട് കൂടി നടന്ന ആഘോഷ പരിപാടി വൈകിട്ട് 7 മണിക്ക് ആരംഭിച്ച് രാത്രി വൈകിയാണ് സമാപിച്ചത്. മികച്ച ജനപ്രിയ നാടകമായി തെരഞ്ഞെടുത്ത ഐവൈസിസിയുടെ ബെഹർ റേഡിയോ ഡ്രാമ ടീം, സമീപകാലത്ത് നടന്ന മത്സരങ്ങളിൽ മികച്ച വിജയം നേടിയ ഐവൈസിസിയുടെ വോളിബോൾ ടീം എന്നിവരെ ചടങ്ങിൽ ആദരിച്ചു. കെഎംസിസി ബഹ്‌റൈൻ പ്രസിഡന്റ് ഹബീബ് റഹുമാൻ, പത്താം വാർഷിക ആഘോഷ കമ്മറ്റി കൺവീനർ അനസ് റഹിം, ഐഒസി ജനറൽ സെക്രട്ടറി ബഷീർ അമ്പലായി എന്നിവർ ആശംസകൾ നേർന്നു സംസാരിച്ചു. സെക്രട്ടറി അലൻ ഐസക്ക് സ്വാഗതവും ട്രഷറർ നിതീഷ് ചന്ദ്രൻ നന്ദിയും പറഞ്ഞു. വിവിധ സാമൂഹിക സംഘടന നേതാക്കൾ അടക്കം നൂറുകണക്കിന് ആളുകൾ പരിപാടിയിൽ പങ്കെടുത്തു.
vxvxd
