ഗാന്ധി ജയന്തി ആഘോഷിച്ചു
ബഹ്റൈനിലെ മഹാത്മാ ഗാന്ധി കൾച്ചറൽ ഫോറത്തിൻറെ നേതൃത്വത്തിൽ ഗാന്ധി ജയന്തി ദിനം സമുചിതമായി ആഘോഷിച്ചു. ഗാന്ധി പ്രതിമയ്ക്ക് മുന്നിൽ പുഷ്പാർച്ചന നടത്തി ആരംഭിച്ച പരിപാടിയിൽ മഹാത്മാ ഗാന്ധി കൾച്ചറൽ ഫോറം പ്രസിഡണ്ട് എബി തോമസ് അധ്യക്ഷത വഹിച്ചു. ഇന്ത്യൻ സ്കൂൾ മുൻ ചെയർമാൻ എബ്രഹാം ജോൺ ഉദ്ഘാടനം നിർവഹിച്ച യോഗത്തിൽ പ്രമുഖ സാമൂഹ്യ പ്രവർത്തകൻ ആർ. പവിത്രൻ മുഖ്യ പ്രഭാഷണം നടത്തി. മുൻ പ്രസിഡന്റുമാരായ ബാബു കുഞ്ഞിരാമൻ, അനിൽ തിരുവല്ല, അനിൽ യു.കെ, ശങ്കരൻ പിള്ള, ചന്ദ്രബോസ്, തോമസ് ഫിലിപ്പ്, സെയ്ദ് ഹനീഫ്,പി സി ഗോപാലൻ, ഹരീഷ് നായർ ,അൻവർ തുടങ്ങിയവർ ആശംസകൾ നേർന്നു.
മാസ്റ്റർ അലൻ ദേശഭക്തി ഗാനങ്ങൾ ആലപിച്ചു. ജനറൽ സെക്രട്ടറി സനൽ കുമാർ സ്വാഗതം പറഞ്ഞ യോഗത്തിൽ പവിത്രൻ പൂക്കുറ്റി നന്ദി രേഖപ്പെടുത്തി. അജിത് കുമാർ ,വിനോദ് കണ്ണൂർ, അഷറഫ്, ജോർജ് മാത്യൂ , ജോബിൻ വർഗീസ് എന്നിവർ പരിപാടികൾക്ക് നേതൃത്വം നൽകി.
fgdfh
