സെന്റ് പോൾസ് മാർത്തോമാ യുവജന സഖ്യം ഓണാഘോഷം സംഘടിപ്പിച്ചു
ബഹ്റൈനിലെ സെന്റ് പോൾസ് മാർത്തോമാ യുവജന സഖ്യം പൊന്നോണം -2023 എന്ന പേരിൽ ഓണാഘോഷം സംഘടിപ്പിച്ചു. ബഹ്റൈൻ പാർലിമെന്റംഗം ഡോ. ഹസ്സൻ ഈദ് ബുഖാമ്മാസ് ഉദ്ഘാടനം ചെയ്ത ചടങ്ങിൽ ഇടവക വികാരിയും, യുവജന സഖ്യം പ്രസിഡന്റുമായ റവറന്റ് മാത്യു ചാക്കോ അധ്യക്ഷത വഹിച്ചു. യുവജന സഖ്യം വൈസ് പ്രസിഡന്റ് ജസ്റ്റിൻ കെ ഫിലിപ്പ് സ്വാഗതവും, കൺവീനർ അനീഷ് ജേക്കബ് നന്ദിയും രേഖപ്പെടുത്തി. ഇന്ത്യൻ സ്കൂൾ ചെയർമാൻ പ്രിൻസ് നടരാജൻ ആശംസകൾ നേർന്നു.
പരിപാടിയുടെ ഭാഗമായി സെന്റ് പോൾസ് മാർത്തോമ ചർച്ച് അംഗങ്ങൾക്കുള്ള കിംസ് ഹെൽത്ത് ഹോസ്പിറ്റൽ ആന്റ് മെഡിക്കൽ സെന്ററുകളുടെ പ്രിവിലേജ് കാർഡ് പ്രകാശനവും നടന്നു. കുമാരി അബിയ മറിയം ജോർജ് അവതാരികയായിരുന്നു. ഓണാഘോഷത്തിന്റെ ഭാഗമായി വിവിധ കലാപരിപാടികളും അരങ്ങേറി.
aeff
