മീലാദ് ക്യാമ്പയിൻ സ്വാഗതസംഘം രൂപീകരണവും പ്രചരണ ഉദ്ഘാടനവും
മനാമ ഇർഷാദുൽ മുസ്ലിമീൻ മദ്രസയിൽ “തിരു നബി സ്നേഹം, സമത്വം,സഹിഷ്ണുത” എന്ന ശീർഷകത്തിൽ സംഘടിപ്പിക്കുന്ന മീലാദ് ക്യാമ്പയിന്റെ ഭാഗമായി സ്വാഗതസംഘ രൂപീകരണവും പ്രചരണ ഉദ്ഘാടനവും നടന്നു. പരിപാടിയിൽ ഡോ. നജീബ് ക്യാമ്പയിൻ പോസ്റ്റർ പ്രകാശനം ചെയ്തു. 11 ദിവസത്തെ മൗലിദ് സദസ്സ്, 12ന് ഗ്രാന്റ് മൗലിദ്, പ്രമേയ പ്രഭാഷണം, ഈദെ മീലാദ്, ദഫ്,ബുർദ,ഫ്ലവർഷോ,സ്കൗട്ട്, അന്നദാനം, സമാപന പൊതുസമ്മേളനം എന്നിവ ക്യാമ്പയിനിന്റെ ഭാഗമായി നടക്കും. മീലാദ് ക്യാമ്പയിൻ പരിപാടികളുടെ വിജയത്തിനായി 101അംഗ സ്വാഗത സംഘത്തിന് രൂപം നൽകി.
ഭാരവാഹികളായി സയ്യിദ് ഫക്രുദ്ധീൻ തങ്ങൾ (രക്ഷാധികാരി), വികെ കുഞ്ഞഹമ്മദാജി (ചെയർമാൻ), എസ് എം അബ്ദുൽ വാഹിദ് (ജനറൽ കൺവീനർ), ജാഫർ കൊയ്യോട് (ഫിനാൻസ് കൺവീനർ), അഷ്‌റഫ്‌ അൻവരി (പ്രോഗ്രാം കൺവീനർ), ഉമൈർ വടകര (ഫുഡ്‌ കൺവീനർ), ഹാഫിള് ശറഫുദ്ധീൻ (മൗലിദ് പാരായണ കോർഡിനേറ്റർ), മജീദ് ചോലക്കോട്(പബ്ലിസിറ്റി) എന്നിവരെ തെരഞ്ഞടുത്തു.
x
