ഫ്രന്റ്‌സ് സർഗവേദി റിഫാ ഏരിയ നടത്തിയ സ്‌മൃതി അരങ്ങ് ശ്രദ്ധേയമായി
ഫ്രന്റ്‌സ് സർഗവേദി റിഫാ ഏരിയ നടത്തിയ സ്‌മൃതി അരങ്ങ് ശ്രദ്ധേയമായി. ഈയിടെ അന്തരിച്ച പ്രശസ്ത മലയാള ചലച്ചിത്ര സംവിധായകൻ സിദ്ധീഖ്, പ്രമുഖ സാഹിത്യകാരൻ ഇബ്രാഹിം ബേവിഞ്ച, സുപ്രസിദ്ധ മാപ്പിളപ്പാട്ട് ഗായിക വിളയിൽ ഫസീല എന്നിവരുടെ കലാ − സാഹിത്യ ജീവിതത്തെ കുറിച്ചുള്ള ചർച്ചകൾ ഇതിന്റെ ഭാഗമായി നടന്നു. ഇബ്രാഹിം ബേവിഞ്ച അനുസ്മരണം ജമാൽ ഇരിങ്ങലും, സിദ്ദിഖ് അനുസ്മരണം ഷാഹുൽ ഹമീദും നടത്തി.
വിളയിൽ ഫസീലയെ അനുസ്മരിച്ച് സലീന ജമാൽ നടത്തിയ പാട്ടും പറച്ചിലും ഹൃദ്യമായി. തുടർന്ന് നടന്ന ഗാനസ്മരണയിൽ ദിയ, തമന്ന, ഫസലുറഹ്മാൻ മൂച്ചിക്കൽ, ഷാഹുൽ, നസീർ, ബഷീർ, ആയാത്ത് തുടങ്ങിയവർ ഗാനങ്ങൾ ആലപിച്ചു. സർഗവേദി കൺവീനർ ഡോ.സാബിർ അധ്യക്ഷത വഹിച്ച പരിപാടിയിൽ സെക്രട്ടറി അബ്ദുൽ ജലീൽ സ്വാഗതം പറഞ്ഞു. അസിസ്റ്റന്റ് സെക്രട്ടറി മൂസ കെ. ഹസൻ നന്ദി രേഖപ്പെടുത്തി.
cbhcv
