ബുക്കാറ കോൺഫറൻസ് മീറ്റ് കെ മുരളീധരൻ എം പി ഉദ്ഘാടനം ചെയ്തു
ബഹ്റൈൻ കെ.എം.സി.സി പേരാമ്പ്ര നിയോജക മണ്ഡലം കമ്മിറ്റിയുടെ ആഭിമുഖ്യത്തിൽ സംഘടിപ്പിച്ച ബുക്കാറ കോൺഫറൻസ് മീറ്റ് കെ മുരളീധരൻ എം പി ഉദ്ഘാടനം ചെയ്തു. മനാമ കെഎംസിസി ഓഡിറ്റോറിയത്തിൽ വെച്ച് നടന്ന സമ്മേളനത്തിൽ നിയോജക മണ്ഡലം പ്രസിഡന്റ്‌ കാസിം നൊച്ചാട്‌ അദ്ധ്യക്ഷത വഹിച്ചു.ജനറൽ സെക്രട്ടറി നസീം പേരാമ്പ്ര സ്വാഗതം പറഞ്ഞ ചടങ്ങിൽ മുസ്ലിംലീഗ്‌ കോഴിക്കോട്‌ ജില്ലാ സെക്രട്ടറി സി.പി.എ അസീസ് മാസ്റ്റർ മുഖ്യാതിഥിയായി പങ്കെടുത്തു. ബഹ്റൈൻ കെ.എം.സി.സി പ്രസിഡന്റ്‌ ഹബീബ്‌ റഹ്‌മാൻ, ജനറൽ സെക്രട്ടറി അസ്സൈനാർ കളത്തിങ്കൽ, ഒ.ഐ.സി.സി ജനറൽ സെക്രട്ടറി രാജു കല്ലുംപുറം, ബഷീർ അമ്പലായി, കെ.എം.സി.സി കോഴിക്കോട്‌ ജില്ലാ പ്രസിഡന്റ്‌ ഫൈസൽ കോട്ടപ്പള്ളി, ജനറൽ സെക്രട്ടറി അഷ്‌റഫ്‌ അഴിയൂർ, ട്രഷറർ സുഹൈൽ മേലടി, ഓർഗ്ഗനൈസിംഗ്‌ സെക്രട്ടറി പി.കെ ഇസ്‌ഹാഖ്‌, ഒ.ഐ.സി.സി ജില്ലാ പ്രസിഡന്റ്‌ ഷമീം, മുസ്ലിംലീഗ്‌ മണ്ഡലം വൈസ്‌ പ്രസിഡന്റ്‌ ആവള ഹമീദ്‌ തുടങ്ങിയവർ സംബന്ധിച്ചു.
മുൻ കെ.എം.സി.സി പ്രസിഡന്റ്‌ കെ.പി കുഞ്ഞബ്ദുല്ലയുടെ സ്മരണാർത്ഥം മണ്ഡലം കമ്മിറ്റി ഏർപ്പെടുത്തിയ പ്രഥമ അവാർഡ്‌ കരീം കുളമുള്ളതിന് കെ.മുരളീധരൻ എം.പി കൈമാറി.ഇതോടൊപ്പം അഷ്‌റഫ്‌ മായഞ്ചേരി, ഇബ്രാഹിം പുതുശ്ശേരി, മുഹമ്മദ്‌ മീത്തലെ വീട്ടിൽ എന്നിവരെയും, 40 വർഷത്തെ പ്രവാസ ജീവിതം അവസാനിപ്പിച്ച്‌ നാട്ടിലേക്ക്‌ യാത്ര തിരിക്കുന്ന പി.കെ മൊയ്തു സാഹിബിനെയും, മികച്ച സാമൂഹ്യ പ്രവർത്തനത്തിന് മൊയ്തീൻ പേരാമ്പ്രയെയും കെ.മുരളീധരൻ എം.പി ഉപഹാരം നൽകി ആദരിച്ചു. സെക്രട്ടറി അദീബ്‌ പാലച്ചുവട്‌ നന്ദി പറഞ്ഞു.
a
