വോയ്‌സ് ഓഫ് ആലപ്പി സൽമാബാദ്‌ ഏരിയ കമ്മറ്റി ഭാരവാഹികളെ തെരഞ്ഞെടുത്തു
ബഹ്റൈനിലെ ആലപ്പുഴ സ്വദേശികളുടെ കൂട്ടായ്മയായ വോയ്‌സ് ഓഫ് ആലപ്പി സൽമാബാദ്‌ ഏരിയ കമ്മറ്റി ഭാരവാഹികളെ തെരഞ്ഞെടുത്തു. സെൻട്രൽ കമ്മറ്റി ജോയിന്റ് സെക്രട്ടറി അശോകൻ താമരക്കുളം അധ്യക്ഷനായിരുന്നു. വോയ്‌സ് ഓഫ് ആലപ്പി പ്രസിഡന്റ് സിബിൻ സലിം യോഗം ഉൽഘാടനം ചെയ്തു. തുടർന്ന് നടന്ന ഭാരവാഹി തെരഞ്ഞെടുപ്പിൽ പ്രസിഡന്റായി പ്രവീൺ കുമാറിനെയും സെക്രട്ടറിയായി അശ്വിൻ ബാബുവിനെയും തെരഞ്ഞെടുത്തു. അരുൺ രത്‌നാകരൻ ട്രഷറർ, അനന്ദു സി ആർ വൈസ് പ്രസിഡന്റ്, ഫ്രാൻസിസ് സി ജോയിൻ സെക്രട്ടറി തുടങ്ങിയവരാണ് മറ്റ് ഭാരവാഹികൾ.
സെൻട്രൽ എക്സിക്യൂട്ടീവ് കമ്മറ്റി അംഗങ്ങളായ ജോഷി നെടുവേലിൽ, ജിനു ജി കൃഷ്ണൻ എന്നിവർ തെരഞ്ഞെടുപ്പ് നടപടികൾ നിയന്ത്രിച്ചു. ഏരിയ കമ്മറ്റി ഗ്രൂപ്പ് കോർഡിനേറ്റർ അനൂപ് മുരളീധരൻ, വോയ്‌സ് ഓഫ് ആലപ്പി ട്രെഷറർ ഗിരീഷ് കുമാർ തുടങ്ങിയവർ ആശംസകൾ നേർന്നു. സൽമാബാദ്‌ ഏരിയ കമ്മറ്റി കോർഡിനേറ്റർ ലിജോ കുര്യാക്കോസ് സ്വാഗതം പറഞ്ഞ യോഗത്തിൽ എക്സിക്യൂട്ടീവ് അംഗം ലിബിൻ സാമുവൽ നന്ദി രേഖപ്പെടുത്തി. കൂടുതൽ വിവരങ്ങൾക്ക് 32070363 അല്ലെങ്കിൽ 35093245 എന്നീ നമ്പറുകളിൽ ബന്ധപ്പെടാവുന്നതാണ്.
a
