ഈദ് നിലാവ് സംഘടിപ്പിച്ച് ബഹ്റൈൻ കേരളീയ സമാജം
ബഹ്റൈൻ കേരളീയ സമാജത്തിന്റെ ആഭിമുഖ്യത്തിൽ ഈദ് നിലാവ് എന്ന പേരിൽ പെരുന്നാൾ ആഘോഷം നടന്നു. സമാജം ഡയമണ്ട് ജൂബിലി ഹാളിൽ വെച്ച് ന‌ടന്ന പരിപാടിയിൽ ,സംഗീത സംവിധായകനും ,പിന്നണി ഗായകനുമായ അജയഗോപാൽ , പിന്നണി ഗായിക അപർണ രാജീവ് എന്നിവർ ചേർന്നൊരുക്കിയ സംഗീത സന്ധ്യയും , നിസാം കോഴിക്കോട് അവതരിപ്പിച്ച കോമഡി ഷോയും മുഖ്യ ആകർഷണമായിരുന്നു. ഇതോടൊപ്പം സമാജം അംഗങ്ങൾ അവതരിപ്പിച്ച ഒപ്പന ,സിനിമാറ്റിക് ഡാൻസ് തുടങ്ങിയ പരിപാടികളും അരങ്ങേറി.
