ഉംറ നിർവഹിച്ചു തിരിച്ചു വന്നവർക്ക് ഫ്രൻഡ്സ് സ്റ്റഡി സർക്കിൾ സ്വീകരണം നൽകി
വിശുദ്ധ ഉംറ നിർവഹിച്ചു തിരിച്ചു വന്നവർക്ക് ഫ്രൻഡ്സ് സ്റ്റഡി സർക്കിൾ സ്വീകരണം നൽകി. സിഞ്ചിലെ ഫ്രൻഡ്സ് സെന്ററിൽ സംഘടിപ്പിച്ച സംഗമത്തിൽ "ഉംറക്ക് ശേഷം" എന്ന വിഷയത്തിൽ ജമാൽ നദ് വി ഇരിങ്ങൽ ക്ലാസ് നടത്തി.
ഉംറ യാത്രയിലെ അനുഭവങ്ങൾ യാത്രികർ സദസ്സുമായി പങ്കുവെച്ചു. ഹുസൈൻ വയനാട്, അക്ബർ, മുഹമ്മദ് സാജിദ്, റാഷിദ്, മൈമൂന, റിയ സാജിദ് എന്നിവർ സംസാരിച്ചു.
യാത്രാ അമീർ സഈദ് റമദാൻ നദ്‌വി അധ്യക്ഷത വഹിച്ച പരിപാടിയിൽ ഉംറ കൺവീനർ ജാസിർ പി.പി സ്വാഗതം പറഞ്ഞു.
അബ്ദുൽ ഹഖ് സമാപനം നിർവഹിച്ചു. യാത്രയിൽ നടത്തിയ ക്വിസ് മത്സരത്തിൽ ഒന്നും രണ്ടും മൂന്നും സ്ഥാനങ്ങൾ കരസ്ഥമാക്കിയ ഷബീർ, റിയ സാജിദ്, റാഷിദ് എന്നിവർക്കുള്ള സമ്മാനങ്ങൾ ചടങ്ങിൽ വിതരണം ചെയ്തു.
ഫ്രാൻസിസ് മാർപ്പാപ്പയുടെ വിയോഗം; കെസിഎ അനുശോചന സമ്മേളനം സംഘടിപ്പിക്കുന്നു
ഫ്രാൻസിസ് മാർപ്പാപ്പയുടെ വിയോഗത്തെ തുടർന്ന് ബഹ്റൈനിലെ കേരള കാത്തലിക്ക് അസോസിയേഷന്റെ ആഭിമുഖ്യത്തിൽ അനുശോചന സമ്മേളനം സംഘടിപ്പിക്കുന്നു.
നാളെ രാത്രി എട്ട് മണിക്ക് കെസിഎ വികെഎൽ ഹാളിൽ വെച്ച് നടക്കുന്ന സമ്മേളനത്തിൽ സാമൂഹ്യസാംസ്കാരിക രംഗത്തെ പ്രമുഖർ പങ്കെടുക്കുമെന്ന് കെസിഎ ഭാരവാഹികൾ അറിയിച്ചു.
്ു
