ശ്രീനാരായണ കൾച്ചറൽ സൊസെറ്റിയുടെ സൽമാനിയ ചെമ്പഴന്തി കുടുംബ യൂണിറ്റിന്റെ ഏരിയാ യൂണിറ്റ് കമ്മിറ്റിയുടെ പ്രവർത്തന ഉദ്ഘാടനം നടന്നു
ബഹ്റൈൻ ശ്രീനാരായണ കൾച്ചറൽ സൊസെറ്റിയുടെ സൽമാനിയ ചെമ്പഴന്തി കുടുംബ യൂണിറ്റിന്റെ 2024-2025 പ്രവർത്തന കാലഘട്ടത്തിലേക്കുള്ള ഏരിയാ യൂണിറ്റ് കമ്മിറ്റിയുടെ പ്രവർത്തന ഉദ്ഘാടനം എസ്എൻസിഎസ് സിൽവർ ജൂബിലി ഹാളിൽ വെച്ച് നടന്നു.
വ്യവസായിയും മെട്രോ ഗ്ലാസ് കമ്പനി ഉടമയുമായ ഗണേഷ് കുമാർ ഉദ്ഘാടനം നിർവഹിച്ച ചടങ്ങിൽ ഏരിയ സെക്രട്ടറി അങ്കിത് സ്വാഗതം പറഞ്ഞു. ഏരിയ കൺവീനർ അരുൺ കുമാർ ബി അധ്യക്ഷത വഹിച്ച പരിപാടിയിൽ എസ് എൻ സി എസ് ചെയർമാൻ കൃഷ്ണകുമാർ ഡി, ജനറൽ സെക്രട്ടറി ശ്രീകാന്ത് എം എസ്, ഏരിയ കോർഡിനേറ്റർ സുനീഷ് സുശീലൻ, രക്ഷാധികാരി അജിത് കുമാർ കെ എന്നിവർ ആശംസകൾ നേർന്നു.
കുട്ടികൾ അവതരിപ്പിച്ച വിവിധ കലാപരിപാടികളും പിങ് ബാംഗ് ബഹ്റൈൻ അവതരിപ്പിച്ച കരോക്കേ ഗാനമേളയും ചടങ്ങിനോടനുബന്ധിച്ചു നടന്നു. എസ് എൻ സി എസ് അസിസ്റ്റന്റ് സെക്രട്ടറി ഷൈൻ സി നന്ദി രേഖപ്പെടുത്തി.
sfsf
