സമസ്ത ബഹ്റൈൻ മനാമ ഏരിയ ഇഫ്താർ സംഗമം സംഘടിപ്പിച്ചു
സമസ്ത ബഹ്റൈൻ മനാമ ഏരിയ വർഷം തോറും നടത്തിവരാറുള്ള ഇഫ്താർ സംഗമം ഈ വർഷവും വിപുലമായ രീതിയിൽ നടന്നുവരുന്നു. ദിനംപ്രതി 600 ഓളം ആളുകൾ പങ്കെടുക്കുന്ന ഇഫ്താർ സദസ്സ് മനാമ സൂഖിലും പരിസര പ്രദേശങ്ങളിലുമുള്ള സാധാരണക്കാർക്ക് ഉപകാരപ്രദമാണ്.
സമസ്ത ബഹ്റൈൻ കേന്ദ്ര ആസ്ഥാനമായ മനാമ ഇർശാദുൽ മുസ്‌ലിമീൻ മദ്റസയിൽ വെച്ച് നടക്കുന്ന നോമ്പുതുറക്കായി വിപുലമായ സൗകര്യങ്ങളാണ് ഒരുക്കിയിട്ടുള്ളത്.
കഴിഞ്ഞ ദിവസം നടന്ന ഇഫ്താർ വിരുന്നിൽ ഇന്ത്യൻ സ്കൂൾ ചെയർമാൻ ബിനു മണ്ണിൽ, രാജു കല്ലുംപുറം, സുബൈർ കണ്ണൂർ, അസീൽ അബ്ദുറഹ്മാൻ, പ്രദീപ് പുറവങ്കര, നിസാർ, റഫീഖ് അബ്ദുല്ല, അബ്രഹാം ജോൺ, റംശാദ്, കെ.ടി സലീം, എം.എം.എസ് ഇബ്രാഹിം, സലാം മമ്പാട്ടുമൂല, സൈനൽ, റിയാസ്, അൻവർ കണ്ണൂർ തുടങ്ങി ബഹ്റൈനിലെ സാമൂഹിക രാഷ്ട്രീയ രംഗത്തെ പ്രമുഖ വ്യക്തിത്വങ്ങൾ പങ്കെടുത്തു.
എല്ലാ ദിവസവും കൃത്യം അഞ്ചിന് ഖുർആൻ പാരായണത്തോടു കൂടി ആരംഭിക്കുന്ന നോമ്പുതുറ സംഗമത്തിൽ സമസ്ത ബഹ്റൈൻ പ്രസിഡന്‍റ് ഫക്റുദ്ദീൻ പൂക്കോയ തങ്ങൾ സന്ദേശത്തിനും പ്രാർഥനക്കും നേതൃത്വം നൽകിവരുന്നു.
സമസ്ത ബഹ്റൈൻ വർക്കിങ് പ്രസിഡന്‍റ് കുഞ്ഞഹമ്മദ് ഹാജി, സെക്രട്ടറി എസ്.എം അബ്ദുൽവാഹിദ്, ഹാഫിള് ശറഫുദ്ദീൻ മൗലവി, ഫാസിൽ വാഫി, സമസ്ത ബഹ്റൈൻ മനാമ എരിയ കമ്മിറ്റി ഭാരവാഹികൾ, എസ്.കെ.എസ്.എസ്.എഫ് ബഹ്റൈൻ വിഖായ പ്രവർത്തകർ തുടങ്ങിയവരാണ് ഇഫ്താർ സംഗമത്തിന് നേതൃത്വം നൽകുന്നത്.
dgdsfg
