ധന്യ വിനയന് യാത്രയയപ്പ് നൽകി ബി.ഡി.കെ
ബഹ്‌റൈനിൽ നിന്നും നാട്ടിലേക്ക് പോകുന്ന ബ്ലഡ് ഡോണേഴ്സ് കേരള ബഹ്റൈൻ ചാപ്റ്റർ ജോയന്റ് സെക്രട്ടറി ധന്യ വിനയന് ബി.ഡി.കെ എക്സിക്യൂട്ടിവ് കമ്മിറ്റി യാത്രയയപ്പ് നൽകി. ബി.ഡി.കെയുടെ ബ്ലഡ് ഡൊണേഷൻ ക്യാമ്പുകളിൽ രക്തദാതാക്കളെ എത്തിക്കുന്നതിനും സംഘടനയുടെ പ്രവർത്തനങ്ങളെ ഏകോപിപ്പിക്കുന്നതിനും ധന്യ വഹിച്ച പങ്കും അതിന് പിന്തുണ നൽകിവന്ന ഭർത്താവ് എം. വിനയന്റെ സഹകരണവും ചെയർമാൻ കെ.ടി. സലിം, പ്രസിഡൻറ് റോജി ജോൺ, ജനറൽ സെക്രട്ടറി ജിബിൻ ജോയ്, ട്രഷറർ സാബു അഗസ്റ്റിൻ, മറ്റ്‌ എക്സിക്യൂട്ടിവ് കമ്മിറ്റി അംഗങ്ങൾ എന്നിവർ എടുത്തുപറഞ്ഞു. ഇരുവർക്കും ബി.ഡി.കെ ബഹ്റൈൻ ചാപ്റ്റർ എക്സിക്യൂട്ടിവ് കമ്മിറ്റി മെമന്റോയും ഉപഹാരവും കൈമാറി.
FXDAADAD
