ഫ്രണ്ട്സ് ഓഫ് അടൂരിന്റെ 2025 വർഷത്തെ എക്സിക്യൂട്ടീവ് കമ്മറ്റിയുടെ പ്രവർത്തന ഉദ്ഘാടനം നടന്നു
ബഹ്റൈനിലെ അടൂർ നിവാസികളുടെ സൗഹൃദ കൂട്ടായ്മയായി 2005ൽ പ്രവർത്തനം ആരംഭിച്ച് 20 വർഷം പിന്നിടുന്ന ഫ്രണ്ട്സ് ഓഫ് അടൂരിന്റെ 2025 വർഷത്തെ എക്സിക്യൂട്ടീവ് കമ്മറ്റിയുടെ പ്രവർത്തന ഉദ്ഘാടനം നടന്നു.
സൽമാനിയ സീറോ മലബാർ സൊസൈറ്റി ഹാളിൽ നടന്ന യോഗത്തിൽ പ്രസിഡൻ്റ് ബിനു രാജ് തരകൻ അധ്യക്ഷത വഹിച്ചു. ജനറൽ സെക്രട്ടറി ബിജുമോൻ പി.വൈ. സ്വാഗതം പറഞ്ഞു. ബഹ്റൈൻ കേരളീയ സമാജം പ്രസിഡന്റ് പി.വി. രാധാകൃഷ്ണപിള്ള യോഗം ഉദ്ഘാടനം ചെയ്തു.
ചടങ്ങിൽ വച്ച് സാമൂഹിക പ്രവർത്തകൻ ആയ ബെന്നി സക്കറിയയെ ആദരിച്ചു. കൂട്ടായ്മയുടെ മുൻ പ്രസിഡൻ്റ് അനു കെ വർഗീസിനും കുടുബത്തിനും പരിപാടിയിൽ യാത്രയയപ്പും നൽകി.
യോഗത്തോടനുബന്ധിച്ച് ലേഡീസ് വിംഗിന്റെ പുതിയ കമ്മറ്റി രൂപീകരിച്ച് കൺവീനറായി ശ്രീവിദ്യ മധുകുമാറിനേയും ജോയിൻ്റ് കൺവീനറായി റീനാ മാത്യു തുടങ്ങി 7 അംഗ കമ്മറ്റിയെ തിരഞ്ഞെടുത്തു. ട്രഷറർ സുഭാഷ് തോമസ് നന്ദി രേഖപ്പെടുത്തി.
്േിേ്ി
