ഐ.വൈ.സി.സി ബഹ്‌റൈൻ, ബുദയ്യ ഏരിയ കമ്മിറ്റി " കൃപേഷ് - ശരത് ലാൽ " അനുസ്മരണ സംഗമവും, ഏരിയ കൺവെൻഷനും സംഘടിപ്പിച്ചു
ഐ.വൈ.സി.സി ബഹ്‌റൈൻ, ബുദയ്യ ഏരിയ കമ്മിറ്റിയുടെ ആഭിമുഖ്യത്തിൽ " കൃപേഷ് - ശരത് ലാൽ " അനുസ്മരണ സംഗമവും, ഏരിയ കൺവെൻഷനും സംഘടിപ്പിച്ചു. ഇന്ത്യൻ യൂത്ത് കൾച്ചറൽ കോൺഗ്രസ്‌ ബുദയ്യ ഏരിയ പ്രസിഡന്റ് അഷ്‌റഫ്‌ ഇ.കെയുടെ അധ്യക്ഷതയിൽ ഐ.വൈ.സി.സി ബഹ്‌റൈൻ ദേശീയ പ്രസിഡന്റ് ഷിബിൻ തോമസ് ഉദ്ഘാടനം നിർവഹിച്ചു. ഇന്ത്യൻ യൂത്ത് കോൺഗ്രസ്‌ പേരാമ്പ്ര നിയോജക മണ്ഡലം വൈസ് പ്രസിഡന്റ് കിഷോർ മുഖ്യപ്രഭാഷണം നടത്തി.
മുൻ ദേശീയ ജനറൽ സെക്രട്ടറി എബിയോൺ അഗസ്റ്റിൻ സ്വാഗതവും, ഏരിയ ട്രെഷറർ അബ്ദുൽ സലീം നന്ദിയും പറഞ്ഞു. ഐ.വൈ.സി.സി ദേശീയ ജനറൽ സെക്രട്ടറി രഞ്ജിത്ത് മാഹി, ട്രെഷറർ ബെൻസി ഗനിയുഡ്, വൈസ് പ്രസിഡന്റ് അനസ് റഹീം, ജോയിന്റ് സെക്രട്ടറി രാജേഷ് പന്മന, എക്സിക്യൂട്ടീവ് അംഗം സജീഷ് രാജ് അടക്കമുള്ളവർ അനുസ്മരണ പ്രസംഗം നടത്തി.
ദേശീയ കോർ കമ്മിറ്റി, എക്സിക്യൂട്ടീവ് കമ്മിറ്റി അംഗങ്ങൾ, വിവിധ ഏരിയ ഭാരവാഹികൾ, ഐ.വൈ.സി.സി വനിത വേദി പ്രവർത്തകർ അടക്കമുള്ളവർ പങ്കെടുത്തു.
െ്ി്ി
