എൽഎംആർഎ നടത്തിയ പരിശോധനയിൽ 17 നിയമ ലംഘകരായ തൊഴിലാളികളെ പിടികൂടി
ബഹ്റൈനിൽ കഴിഞ്ഞയാഴ്ച ലേബർ മാർക്കറ്റ് റെഗുലേറ്ററി അതോറിറ്റി നടത്തിയ പരിശോധനയിൽ 17 നിയമ ലംഘകരായ തൊഴിലാളികളെ പിടികൂടുകയും നേരത്തേ പിടിയിലായ 96 പേരെ നാടുകടത്തുകയും ചെയ്തു. ജനുവരി 26 മുതൽ ഫെബ്രുവരി ഒന്നുവരെ 853 പരിശോധനകളാണ് എൽ.എം.ആർ.എ നടത്തിയത്.
പരിശോധനയിലുടനീളം പലയിടത്തും താമസ നിയമലംഘനങ്ങൾ കാണപ്പെട്ടതായും നിയമനടപടികൾ സ്വീകരിച്ചുവരുകയാണെന്നും എൽ.എം.ആർ.എ അധികൃതർ പറഞ്ഞു.
ക്യാപിറ്റൽ ഗവർണറേറ്റിൽ എട്ടും, മുഹറഖ് ഗവർണറേറ്റിൽ ഒന്ന്, നോർത്തേൺ, സതേൺ ഗവർണറേറ്റുകളിൽ യഥാക്രമം ഒന്ന്, രണ്ട് എന്നിങ്ങനെ 12 കാമ്പയിനുകളും 841 കടകളിൽ പരിശോധനയുമാണ് നടന്നത്.
dsfs
