ഇന്ത്യൻ സ്കൂൾ പ്ലാറ്റിനം ജൂബിലി ആഘോഷങ്ങൾക്ക് നാളെ തുടക്കമാവും
ഇന്ത്യൻ സ്കൂൾ പ്ലാറ്റിനം ജൂബിലി ആഘോഷങ്ങൾക്ക് നാളെ തുടക്കമാവും. ഒരു വർഷം നീണ്ടുനിൽക്കുന്ന ആഘോഷ പരിപാടികളുടെ ഉദ്ഘാടനം സ്‌കൂളിന്റെ ഇസ ടൗൺ കാമ്പസിലെ ജഷന്മാൾ ഓഡിറ്റോറിയത്തിൽ നടക്കും. പ്ലാറ്റിനം ജൂബിലി ലോഗോയുടെ അനാച്ഛാദനവും ഉദ്ഘാ‌ടന ചടങ്ങിൽ നടക്കും. മുൻ ചെയർമാൻ പ്രിൻസ് എസ്. നടരാജന്റെയും മുഹമ്മദ് ഹുസൈൻ മാലിമിന്റെയും നേതൃത്വത്തിലുള്ള കമ്മിറ്റിയാണ് ജൂബിലി ആഘോഷങ്ങൾക്ക് ചുക്കാൻ പിടിക്കുന്നത്.
ഗൾഫിലുടനീളമുള്ള 75 സ്‌കൂളുകളിൽ നിന്നുള്ള വിദ്യാർഥികൾ അവരുടെ കലാപരമായ കഴിവുകൾ പ്രദർശിപ്പിക്കുന്നതിനായി ഇസ ടൗൺ കാമ്പസിൽ ഒത്തുകൂടുന്ന ആലേഖ് പെയിന്റിങ് മത്സരമായിരിക്കും ഒരു പ്രധാന ആകർഷണം.
ചിത്രരചനാ മത്സരത്തിന് പുറമേ, കലാപരവും സാഹിത്യപരവുമായ ആവിഷ്കാരത്തെ പ്രോത്സാഹിപ്പിക്കുന്ന നിരവധി ശിൽപശാലകളും മത്സരങ്ങളും സ്കൂൾ ഇതോടൊപ്പം സംഘടിപ്പിക്കും. സർഗാത്മക രചനാ മത്സരങ്ങൾ, പോസ്റ്റർ ഡിസൈൻ മത്സരങ്ങൾ, വിദ്യാഭ്യാസ മേഖലയിലെ ഏറ്റവും പുതിയ പ്രവണതകളെക്കുറിച്ച് ചർച്ച ചെയ്യുന്നതിനായി പ്രമുഖ അധ്യാപകരെയും വിദഗ്ധരെയും ഒരുമിച്ച് കൊണ്ടുവരുന്ന ഒരു വിദ്യാഭ്യാസ കോൺക്ലേവ് എന്നിവ ഇതിൽ ഉൾപ്പെടും.
dsfdszf
