മെഡ്കെയർ പ്രവാസി സെന്‍റർ മീറ്റ് യുവർ ഡോക്ടർ കൺസൽട്ടേഷൻ ക്യാമ്പ് സംഘടിപ്പിച്ചു

മനാമ: പ്രവാസി വെൽഫെയറിന്റെ ആതുര സേവന വിഭാഗമായ മെഡ്കെയർ പ്രവാസി സെന്‍ററിൽ സംഘടിപ്പിച്ച മീറ്റ് യുവർ ഡോക്ടർ കൺസൽട്ടേഷൻ ക്യാമ്പ് നൂറുകണക്കിന് പ്രവാസികൾക്ക് സാന്ത്വനവും സമാശ്വാസവുമായി.

ദൂരക്കാഴ്ചകൾ മറച്ച് പ്രതികൂലമായ മഞ്ഞ് പെയ്ത കാലാവസ്ഥയിലും ബഹ്റൈനിലെ വിവിധ ഭാഗങ്ങളിൽനിന്നും ധാരാളം പ്രവാസികൾ കൺസൽട്ടേഷൻ ക്യാമ്പിൽ പങ്കെടുക്കാൻ എത്തിയത് സംഘാടകർക്ക് ആവേശമായി മാറി.

മീറ്റ് യുവർ ഡോക്ടർ കൺസൽട്ടേഷനിൽ ജനറൽ വിഭാഗം, ഗൈനക്കോളജി, ഡെന്റൽ, ഓർത്തോപീഡിക് എന്നീ വിഭാഗങ്ങളിൽ ബഹ്റൈനിലെ പ്രഗല്ഭ ഡോക്ടർമാരായ ഡോ. അനൂപ് അബ്ദുല്ല, ഡോ. ഫമിൽ എരഞ്ഞിക്കൽ, ഡോ. ജയ്സ് ജോയ്, ഡോ. സാദിഖ് ബാബു, ഡോ. ജാസ്മിൻ മൊയ്തു, ഡോ. ഫൈസ ബാബർ എന്നിവർ രോഗികളെ പരിശോധിക്കുകയും ആവശ്യമായ മരുന്നുകളും മാർഗ നിർദേശങ്ങളും നൽകി.

സാമൂഹിക പ്രവർത്തകരായ റഷീദ് മാഹി, സുബൈർ എം. എം, സൈദ് ഹനീഫ്, സൽമാനുൽ ഫാരിസ്, അബ്ദുൽ ജലീൽ അബ്ദുല്ല, സലാം മമ്പാട്ടുമൂല, അൻവർ നിലമ്പൂർ, അബ്ദുസ്സലാം നിലമ്പൂർ, ജവാദ് വക്കം, രാധാകൃഷ്ണൻ തിക്കോടി, അബ്ദുൽ ഖാദർ മറാസീൽ, തേജസ്, ഫവാസ്, താഹ മ്യൂടസ്, ഷിയാസ് യൂസഫ്, വഫ ഷാഹുൽ, സബീന അബ്ദുൽ ഖാദർ, റഷീദ സുബൈർ, അബ്ദുൽ ഗഫൂർ മുക്കുതല, സാജിർ തുടങ്ങിയവർ മീറ്റ് യുവർ ഡോക്ടർ ക്യാമ്പ് സന്ദർശിച്ചു.

പ്രവാസി വെൽഫെയർ പ്രസിഡന്‍റ് ബദറുദ്ദീൻ പൂവാർ, മെഡ്കെയർ കൺവീനർ മജീദ് തണൽ, മീറ്റ് യൂവർ ഡോക്ടർ കൺസൽട്ടേഷൻ ജനറൽ കൺവീനർ അനസ് കാഞ്ഞിരപ്പള്ളി, പ്രവാസി വെൽഫെയർ വൈസ് പ്രസിഡന്‍റ് ഷാഹുൽ ഹമീദ് വെന്നിയൂർ, ആക്ടിങ് ജനറൽ സെക്രട്ടറി ഇർഷാദ് കോട്ടയം, വെൽകെയർ കൺവീനർ മുഹമ്മദ് അലി മലപ്പുറം, മെഡ്കെയർ എക്സിക്യൂട്ടിവുകളായ ഷാനവാസ്, ഗഫാർ, ഷാനിബ്, അബ്ദുല്ല കുറ്റ്യാടി, മൊയ്തു. ടി.കെ, സതീഷ്, രാജീവ്, ആഷിക് എരുമേലി, ലിൻസി, ജാൻസൻ, ഹാഷിം.എ.വി, മഹമൂദ് മായൻ, സാബിറ നൗഫൽ, വഹീദ ഫൈസൽ, റഈസ്, സഫീർ, ജോഷി ജോസഫ് തുടങ്ങിയവർ ക്യാമ്പിന് നേതൃത്വം നൽകി.